Þetta er mat hugveitunnar Center for Macroeconomic Analysis and Short-Term Forecasting. Reuters segir að hugveitan hafi góð tengsl við valdhafa í Kreml.
Í skýrslu hugveitunnar kemur fram að iðnaðarframleiðsla landsins standi í stað og útflutningur haldi áfram að dragast saman.
Bent er á langtímavandamál rússnesks efnahagslífs og því slegið föstu að þörf sé á lausnum strax.
Hugveitan varar einnig við skorti á hrávörum og íhlutum.
Þrátt fyrir stríðsrekstur Rússa í Úkraínu í rúmlega tvö ár, komst efnahagslíf landsins betur í gegnum síðasta ár en reiknað var með.
