Þriðjudaginn 27. febrúar næstkomandi verður aðalmeðferð í máli gegn manni sem ákærður hefur verið fyrir nauðgun. Þinghald er lokað.
Ákært er vegna atvik sem átti sér stað fimmtudaginn 2. september árið 2021. Maðurinn er ákærður fyrir að hafa haft samræði og önnur kynferðismörk við konu gegn vilja hennar með því að beita hana ofbeldi og ólögmætri nauðung, en ákærði sló hana nokkrum sinnum með flötum lófa í andlitið, reif í hár hennar, tók hana kverkataki, þannig að hún átti erfitt með andardrátt, og hélt henni niðri á meðan hann hafði við hana samræði. Lét hann ekki af háttseminni þó að konan bæði hann ítrekað um að hætta, að því er segir í ákæru héraðssaksóknara.
Þess er krafist að maðurinn verði dæmdur til refsingar og greiðslu alls sakarkostnaðar. Fyrir hönd konunnar er gerð krafa um miskabætur upp á fjórar milljónir króna.
