„Góð póstþjónusta sem er auk þess að viðráðanlegu verði,“ segir einn og fær miklar undirtektir.
Annar segir að eitt af því sem virðist alltaf vanta séu varahlutir í bíla. „Það skiptir ekki máli hvað það er, svarið er alltaf: „ekki til, 10-12 virkir dagar að panta, kostar skrilljón“.
Einn bendir á að úrvalið af góðum ostum sé ekki ýkja mikið hér á landi og taka ýmsir undir það. „Það er ekki erfitt að fá ost á Íslandi, hann er ótrúlega vinsæll. Vandamálið er að úrvalið er lítið og ostarnir sem framleiddir eru á Íslandi standast ekki þá erlendu í gæðum.“
Einn segir að það væri gott að hafa banka sem býður upp á lán á viðráðanlegum vöxtum. Undir það taka mjög margir og segir einn að vaxtaokrið á Íslandi sé „besta löglega svindl“ sögunnar. Annar nefnir að það sem vantar á Íslandi séu íbúðir án þess að útskýra það nánar.
Sá þriðji dregur þetta saman og segir: „Húsnæði á viðráðanlegu verði og venjulegir bankar væru vel þegnir.“
Einn nefnir að erfitt sé að fá gott beikon á Íslandi og þá sé úrvalið af góðum pylsum í hefðbundnum matvöruverslunum ekki ýkja mikið. Annar nefnir úrvalið af asískum mat – hann sé heldur tilbreytingarsnauður á Íslandi.
Þá nefnir einn að erfitt sé að fá gott kebab á Íslandi, það standist almennt engan samanburð við það sem hægt er að fá til dæmis í Þýskalandi og Danmörku.
Það kemur kannski ekki á óvart að almenningssamgöngur skuli nefndar. „Það væri mjög fínt að geta komist til og frá vinnu án þess að nota einkabílinn á hverjum degi. Og eins og margir hafa nefnt, góður ostur. Eftir mörg ár á Íslandi er ostur eiginlega það eina sem ég tek með mér til Íslands þegar ég ferðast til útlanda.“
