fbpx
Laugardagur 24.febrúar 2024
Fréttir

Hannes lét Þórdísi heyra það eftir að hún afþakkaði boð forsætisráðuneytisins

Ritstjórn DV
Fimmtudaginn 7. desember 2023 09:00

Ekki missa af Helstu tíðindum dagsins í pósthólfið þitt

Lesa nánar

Ákvörðun Þórdísar Helgadóttur rithöfundar um að hafna boði forsætisráðuneytisins um að koma og lesa upp úr bók sinni Armelo fyrir starfsfólk vakti talsverða athygli í vikunni.

Þórdís greindi frá því á Facebook að hún hefði fengið boð frá ráðuneytinu en því miður orðið að afþakka vegna afstöðuleysis íslenskra stjórnvalda í málefnum Ísraels og Palestínu. Birti Þórdís svar sitt þar sem hún sagði meðal annars:

„Ég geri mér fulla grein fyrir því að margt af ykkar starfsfólki er í sjálfu sér ekki í stöðu til að hafa áhrif. En innan ykkar veggja – í þessu húsi valdsins – eru svo sannarlega líka þau sem fara með ákvörðunarvaldið fyrir hönd þjóðarinnar.

Mig langar því að biðja þig að koma á framfæri einlægri ósk um a) að veita öllum Palestínumönnum hér á landi alþjóðlega vernd af mannúðarástæðum, b) greiða fyrir tafarlausri fjölskyldusameiningu, c) fordæma þjóðarmorðið fullum fetum á alþjóðavettvangi og d) slíta stjórnmálasambandi við Ísraelsríki.“

Færsla Þórdísar vakti mikla athygli og var henni hrósað í hástert í athugasemdum við færsluna. Ein athugasemd skar sig þó úr og var hún frá Hannesi Hólmsteini Gissurarsyni, prófessor í stjórnmálafræði, en óhætt er að segja að hann hafi verið ósáttur við afstöðu Þórdísar.

„Þetta er ótrúleg hræsni. Þú lokar augunum fyrir óumdeilanlegum staðreyndum,“ sagði Hannes sem taldi alls upp 20 atriði um stöðu mála fyrir botni Miðjarðarhafs. Sagði Hannes meðal annars að Hamas-samtökin hefðu á stefnuskrá sinni að eyða Ísrael. Þá hefðu Hamas-samtökin gert villimannslega árás á Ísrael þann 7. október síðastliðinn og Ísraelsher neyðst til þess í sjálfsvörn að fara inn í Gaza. Þá benti hann á að Hamas hefði tekið gísla sem er brot á alþjóðalögum og noti lifandi skildi, bæði konur og börn, sem einnig er brot á alþjóðalögum. Þá sendi Hamas reglulega eldflaugar inn í Ísrael.

Hannes klikkti út með þessum orðum:

„Þeir, sem halda núna fundi til stuðnings Palestínumönnum, eru í raun að styðja Hamas og hina spilltu gerræðisstjórn á vesturbakkanum. Þeir eru að leika leikinn, sem Hamas hafði lagt á ráðin um með árásinni á Ísrael og notkun arabískra kvenna og barna sem lifandi skjalda. Þú ert ein af þeim. Þú skipar þér á bekk með hryðjuverkamönnum, nasistum og Gyðingahöturum.“

Færslu Þórdísar og svar Hannesar má sjá hér að neðan:

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Guðrún á von á verulegri fækkun hælisleitenda – „Kannski 500 á ári“

Guðrún á von á verulegri fækkun hælisleitenda – „Kannski 500 á ári“
Fréttir
Fyrir 18 klukkutímum

Hafa náð sátt um forsenduákvæðin

Hafa náð sátt um forsenduákvæðin
Fréttir
Í gær

Fyrrum framkvæmdastjóri Píeta segir þörf á löggjöf um frjáls félagasamtök – „Syngja oft hin fínustu félög sitt síðasta eða missa sjarmann“

Fyrrum framkvæmdastjóri Píeta segir þörf á löggjöf um frjáls félagasamtök – „Syngja oft hin fínustu félög sitt síðasta eða missa sjarmann“
Fréttir
Í gær

Banaslys á Djúpavogi – Ökumaður vinnuvélar sá ekki fram fyrir sig

Banaslys á Djúpavogi – Ökumaður vinnuvélar sá ekki fram fyrir sig
Fréttir
Í gær

Inga harðorð og segist vera einn fárra þingmanna sem viðurkennir þetta

Inga harðorð og segist vera einn fárra þingmanna sem viðurkennir þetta
Fréttir
Í gær

Segir líklegt að Rússar ráðist á Ísland komi til átaka: „Engar líkur á að Rússar myndu líta framhjá því“

Segir líklegt að Rússar ráðist á Ísland komi til átaka: „Engar líkur á að Rússar myndu líta framhjá því“