„Við ræddum ýmislegt og þar á meðal vinnumenningu, eitt af mínum helstu áhugamálum. Það var áhugavert að heyra þau segjast vera búin að gefast upp á skemmtunum þar sem starfsmenn fá áfengi. Öðru hvoru gerðist það að skemmtun á föstudagskvöldi væri að draga dilk á eftir sér inn í vikuna þar á eftir og vinda þyrfti ofan af einhverjum málum því einhver fór yfir strikið kominn í glas,” 

segir Steinar Þór Ólafsson sérfræðingur í samskiptum, miðlun og markaðsmálum í pistli á LinkedIn, um samræður sem hann átti við forsvarsmenn hjá íslensku fyrirtæki í haust sem hafa rúmlega 100 starfsmenn í vinnu. 

„Þeim fannst í raun partýið eiga það á hættu að búa til stærri vandamál fyrir sig en móralska bústið sem þau áttu að veita. Þau væru því hætt með slíkar skemmtanir og væru þess í stað með fjölskyldudaga öðru hvoru. Sem sköpuðu engin vandamál og hefðu jafn jákvæð áhrif á móralinn og partýin.”

Steinar Þór segir að það sé hefð margra fyrirtækja í kringum jólin að vera með jólaskemmtun fyrir starfsmenn. Hverju fyrirtæki sé auðvitað í frjálst vald sett að kjósa gera það með sínum hætti. 

„En ég er allavega þeirrar skoðunar að það sé ekki sjálfval að sú skemmtun þurfi að vera með því móti að þar sé veitt áfengi. „Þetta er oft séð sem ákveðið leiðinda sjónarmið en þá ætla að loka þessu á því hot take að ef skemmtun á vinnustað getur ekki verið án áfengis er sennilega eitthvað meira sem þyrfti að skoða í vinnumenningunni en hvort þar eigi að bjóða upp á vín eða ekki.