fbpx
Laugardagur 24.febrúar 2024
Fréttir

Mikilvægasta tækið á heimilinu

Ragna Gestsdóttir
Föstudaginn 1. desember 2023 09:31

Ekki missa af Helstu tíðindum dagsins í pósthólfið þitt

Lesa nánar

Dagur reykskynjarans er í dag 1. desember. Þetta litla en magnaða öryggistæki er það mikilvægasta af öllum tækjum heimilisins. Slökkvilið landsins og Vertu eldklár, forvarnarverkefni HMS, standa saman að eldvarnarátaki sem hefst í dag þar sem allir landsmenn eru hvattir til að huga að brunavörnum heimilisins.,,Reykskynjarinn vakir yfir þér og þínu fólki. Eldurinn læðist um og lætur ekki vita af sér, en það er skerandi hljóð reykskynjarans sem vekur fólk ef eldur kemur upp á heimilinu,“ segir Guðjón Guðjónsson, aðstoðarvarðstjóri hjá Slökkviliðinu á höfuðborgarsvæðinu.

Guðjón Guðjónsson, aðstoðarvarðstjóri og félagar hans hjá Slökkviliðinu á höfuðborgarsvæðinu ítreka mikilvægi reykskynjara sem er mikilvægasta tækið á heimilinu.

Það er mjög mikilvægt að reykskynjarar séu í öllum rýmum heimilisins að sögn Guðjóns og ekki síður mikilvægt að staðsetja þá sem næst miðju lofts. Gott er að prófa virkni reykskynjarans að lágmarki einu sinni á ári. ,,Þá er einnig mikilvægt er að allir þekki flóttaleiðir á sínu heimili og að þær séu greiðfærar. Gott ráð er að hafa slökkvitæki tiltækt á flóttaleiðinni,“ segir Guðjón.Á aðventunni er notalegt að eiga góða stund með fjölskyldu og vinum og þá er oft kveikt á kertum og heimilin skreytt. ,,Það þarf að fara gætilega með eld og rafmagn. Gott að er hafa óbrennanlegt undirlag undir kertum og staðsetja þau ekki nálægt gardínum. Þá er snjallt að vökva jólatrén, séu þau lifandi grenitré, því þau eru eldfimari ef þau þorna upp. Raftæki og aðrir hitagjafar, svo sem kertaljós, arineldur og jólaseríur, eru ómissandi partur af lífi okkar flestra en geta þó snögglega snúist upp í andhverfu sína ef umgengnin er ekki örugg. Við mælum eindregið með því að hlaða rafmagnshjól og rafmagnstæki af ábyrgð, ekki hlaða á meðan allir eru sofandi eða þegar enginn heima. Þá er betra að hafa svefnherbergisdyr lokaðar því eldur breiðist mjög hratt út.“ Samkvæmt skoðanakönnun Maskínu, sem gerð var í janúar 2023, þá eru 95,7% heimila með einn eða fleiri reykskynjara. Guðjón ítrekar að það sé mikilvægt að öll heimili landsins séu með reykskynjara.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Guðrún á von á verulegri fækkun hælisleitenda – „Kannski 500 á ári“

Guðrún á von á verulegri fækkun hælisleitenda – „Kannski 500 á ári“
Fréttir
Fyrir 19 klukkutímum

Hafa náð sátt um forsenduákvæðin

Hafa náð sátt um forsenduákvæðin
Fréttir
Í gær

Fyrrum framkvæmdastjóri Píeta segir þörf á löggjöf um frjáls félagasamtök – „Syngja oft hin fínustu félög sitt síðasta eða missa sjarmann“

Fyrrum framkvæmdastjóri Píeta segir þörf á löggjöf um frjáls félagasamtök – „Syngja oft hin fínustu félög sitt síðasta eða missa sjarmann“
Fréttir
Í gær

Banaslys á Djúpavogi – Ökumaður vinnuvélar sá ekki fram fyrir sig

Banaslys á Djúpavogi – Ökumaður vinnuvélar sá ekki fram fyrir sig
Fréttir
Í gær

Inga harðorð og segist vera einn fárra þingmanna sem viðurkennir þetta

Inga harðorð og segist vera einn fárra þingmanna sem viðurkennir þetta
Fréttir
Í gær

Segir líklegt að Rússar ráðist á Ísland komi til átaka: „Engar líkur á að Rússar myndu líta framhjá því“

Segir líklegt að Rússar ráðist á Ísland komi til átaka: „Engar líkur á að Rússar myndu líta framhjá því“