Elísabet Jökulsdóttir rithöfundur hefur biðlað til Katrínar Jakobsdóttur forsætisráðherra að stíga fram og bjargi tveimur palestínskum drengjum sem á að vísa úr landi.

Fjallað hefur verið um mál drengjanna, Yazan og Sameer, í fjölmiðlum hér á landi síðustu daga.

Drengirnir eru frændur, búsettir í öryggi hjá íslenskum fjölskyldum hér á landi en hafa eðli málsins samkvæmt miklar áhyggjur af ættingjum sínum sem dvelja enn á Gasa-svæðinu. Drengirnir eiga að óbreyttu von á því að verða sendir úr landi þar sem þeir hafa fengið neitun um vernd.

Elísabet skrifar stutta grein um málið í Morgunblaðið í dag þar sem hún lýsir óánægju sinni.

„Stefna í út­lend­inga­mál­um nær nýj­um hæðum í ömurð og fá­rán­leika, eins og vin­kona mín sagði á Feisbúkk. Sam­fé­lags­miðlar loga nú sem aldrei fyrr enda geri ég þá kröfu að Katrín Jak­obs­dótt­ir for­sæt­is­ráðherra stígi fram og út­skýri þetta mál því það botn­ar eng­inn í því, sama og upp var á ten­ingn­um með Hussein og fjöl­skyldu hans. Ég krefst þess að hún stígi fram og út­skýri þetta mál, ég krefst þess að hún bjargi drengj­un­um.“

Elísabet hefur miklar áhyggjur af því sem kann að bíða drengjanna sem eru aðeins 12 og 14 ára gamlir.

„Í Grikklandi bíður þeirra ekk­ert nema vændi og eit­ur­lyfja­neysla – ef þeir eru heppn­ir! Van­mátt­ur minn í þessi máli er slík­ur að hann minn­ir á van­mátt­inn gagn­vart stríðinu á Gasa. En ég ætla að opna munn­inn. Þótt ís­lensk­ir ráðamenn taki af mér sjálfs­virðing­una og reisn­ina þá munu þeir ekki taka tungu­málið frá mér.“