Sá orðrómur fór af stað á sunnudaginn á rússneskri Telegramrás að Vladímír Pútín, forseti Rússlands, hefði fengið hjartaáfall.

Eins og DV skýrði frá í gær þá vísaði Dmitry Peskov, talsmaður Kremlverja, þessu á bug og sagði forsetann við hestaheilsu og þetta væri bara enn ein falsfréttin.

Pútín sagður við dauðans dyr eftir hjartaáfall á sunnudag – Talsmaður Kremlin skellti upp úr vegna tvífaraorðróms

Til að bregðast við þessu birtu rússnesk yfirvöld ljósmyndir, sem þau segja nýjar, í gær af Pútin og Denis Manturov, varaforsætisráðherra og iðnaðarráðherra á fundi í Kreml.

Þess utan vísaði Peskov á bug orðrómum um að Pútín notist við tvífara og sagði slíka orðróma vera „fáránlega blekkingu“.