Þetta eru Íran, Hizbollah og Bandaríkin. Um helgina blönduðu þessir aðilar sér í átökin á ákveðinn hátt. Hizbollah gerði árás á ísraelska herinn, íranski utanríkisráðherrann sagði að enginn gæti „ábyrgst“ að átökin breiðist ekki út ef Ísrael lætur verða af landhernaði á Gaza og Bandaríkin sendu flugmóðurskipið USS Eisenhower í átt að Ísrael en þar er flugmóðurskipið USS Gerald R. Ford nú þegar með flotadeild sinni.
Enn allir þessir aðilar hafa ákveðnar ástæður fyrir að vilja ekki dragast inn í átök Ísraels og Hamas. „Maður hefur sko ekki áhuga á að lenda í átökum við bandaríska flugherinn,“ sagði Peter Viggo Jakobsen, lektor við danska varnarmálaskólann, í samtali við Jótlandspóstinn.
Hann sagði að Hizbollah og Íran vilji ekki lenda í átökum við Bandaríkjaher en ekki sé hægt að útiloka að svo fari. Hans mat er að mesta hættan gegn Ísraels stafi af Hizbollah en væntanlega muni sú útreið sem Hizbollah fengu í stríðinu gegn Ísrael 2006 aftra þeim frá að taka slaginn á nýjan leik, auk þess eigi samtökin á hættu að glata stuðningi líbönsku þjóðarinnar ef þau dragast inn í átökin.
Hann sagði þó að ekki sé hægt að útiloka að Hizbollah ráðist á Ísrael af krafti þegar landhernaður Ísraela á Gaza hefst. Það verði þá vegna þess að Íranar neyði Hizbollah til þess. Samtökin sjálf hafi væntanlega ekki áhuga á að ráðast á Ísrael.
Íranar hafa sterk tengsl við Hamas, Hizbollah og herskáa hópa í Sýrlandi. Allar þessar hreyfingar njóta góðs af vopnasendingum frá klerkastjórninni í Íran. Jakobsen sagðist telja að það að Íranar geti haft áhrif á gang mála í gegnum þessi samtök sé ein af þremur helstu ástæðunum fyrir að þeir blandi sér ekki bein í átökin við Ísrael. Hinar eru annars vegar að ef Íranar ákveða að blanda sér í átökin þá muni þeir gera það með aðstoð hópa í Sýrlandi og kannski Hizbollah. Hins vegar vegna þess erfitt sé að sjá fyrir sér að Íranar láti sínar eigin hersveitir ráðast á Ísrael af því að Ísrael á kjarnorkuvopn og njóta stuðnings Bandaríkjanna.
