Úkraínumenn herða nú sóknarþunga sinn gegn rússneska innrásarliðinu og vekur þetta áhyggjur í Rússlandi og viðurkenna Rússar að hart sér barist á vígvellinum en um leið segja þeir að úkraínska sóknin sé ekki mjög burðug.

New York Times skýrir frá þessu og byggir á upplýsingum frá leyniþjónustumönnum.

TV2 hefur eftir Palle Ydstebø, yfirlautinant og yfirkennara við norska varnarmálaskólann, að þetta sé nú ekki alveg sannleikurinn.  „Það er áhugavert að það eru meiri áhyggjur í rússneskum greiningum en vestrænum,“ sagði hann og benti á að núna séu hörðustu bardagarnir í suður- og austurhluta Úkraínu.  Þar leggi Rússar mikið í sölurnar til að verjast.

Hann sagði að þeir hafi þakið þessi svæði með jarðsprengjum og öðrum varnarlínum og það sé erfitt fyrir Úkraínumenn að sækja fram.