Pólska ríkisstjórnin bannaði nýlega innflutning á korni og öðrum matvælum frá Úkraínu. Er þetta gert til að vernda pólskan landbúnað.

„Við erum og verðum vinir og bandamenn Úkraínu. Við viljum styðja Úkraínu og gerum það . . . en það er skylda hvers ríkis, allra stjórnvalda, góðra stjórnvalda að vernda hagsmuni borgara sinna,“ sagði Jaroslaw Kaczynski, formaður stjórnarflokksins Laga- og réttlætis, um ákvörðunina.

Pólskir bændur hafa mótmælt ákvörðun ESB um að veita úkraínskum kornframleiðendum betri aðgang að mörkuðum ESB.

Pólverjar höfðu áður krafist aðgerða frá Framkvæmdastjórn ESB vegna áhrifa þessa innflutnings á ESB-ríkin.