Stöðu mannréttinda á Íslandi er í fyrsta sinn getið í ársskýrslu Amnesty International. Vísað er í rannsóknarskýrslu um einangrunarvist gæsluvarðhaldsfanga á Íslandi sem Íslandsdeild Amnesty International gaf út í janúar 2023. Í skýrslunni kemur meðal annars fram að Ísland beitir einangrunarvist í gæsluvarðhaldi óhóflega og brýtur þannig meðal annars gegn samningi Sameinuðu þjóðanna gegn pyndingum og annarri grimmilegri, ómannlegri eða vanvirðandi meðferð eða refsingu. Kemur þetta fram í tilkynningu frá Íslandsdeild Amnesty International.
Nú þegar Mannréttindayfirlýsing Sameinuðu þjóðanna fagnar 75 ára afmæli í desember 2023 gerir Amnesty International þá kröfu að alþjóðakerfið grundvallist á mannréttindum fyrir alla einstaklinga, alls staðar.
Ársskýrsla Amnesty International 2022 varpar ljósi á tvískinnung um heim allan þegar kemur að mannréttindum. Alþjóðasamfélagið hefur ekki sameinast um að mannréttindi séu algild. Sterk viðbrögð Vesturveldanna við árás Rússlands á Úkraínu er í algerri andstöðu við átakanlegt aðgerðaleysi gagnvart grófum mannréttindabrotum sumra bandamanna þeirra, eins og Ísrael, Sádi-Arabíu og Egyptalandi.
Réttindum og frelsi kvenna til að mótmæla er ógnað þar sem ríki láta hjá líða að vernda og virða mannréttindi heima fyrir.
Ársskýrsluna má lesa hér.
