Lögreglan hóf þegar leit að gerandanum og fann manninn, sem var grunaður um árásina, ekki langt frá vettvangi. Hann er sagður hafa hunsað fyrirmæli lögreglunnar og að hafa ógnað lögreglumönnum með hnífnum sem hann var með.
Lögreglan segir að hann hafi haldið áfram að ógna lögreglumönnum og hafi þeir því skotið hann. Ekki liggja fyrir upplýsingar um hversu margir lögreglumenn voru á vettvangi eða hversu margir lögreglumenn skutu manninn.
Hann var skotinn í efri hluta líkamans og var úrskurðaður látinn á vettvangi.
Myndband af atburðinum hefur verið í dreifingu á samfélagsmiðlum og ættingi mannsins, sem hét Anthony Lowe, hefur staðfest að það sé Anthony sem sést á upptökunni.
Huntington Park, California police officers shoot dead Anthony Lowe Jr, a double amputee man who tried to run away from them on the stumps of his legs. The cops said they were afraid Lowe would throw the knife he had at them. pic.twitter.com/y4FjqED4Hy
— Mike Sington (@MikeSington) January 31, 2023
Málið hefur vakið mikla athygli og umræður um valdbeitingu lögreglunnar því Lowe var fótalaus og notaðist við hjólastól. Eins og sést á fyrrnefndri upptöku gat hann gengið á stubbunum en komst ekki hratt yfir.
Hann sést reyna að flýja frá lögreglumönnunum og er hann með hníf í höndinni.
Fjölskylda Lowe og fleiri hafa beðið saksóknara í Los Angeles um að kæra lögreglumennina, sem skutu Lowe, fyrir að hafa orðið honum að bana.
Saksóknari hefur tilkynnt að hann muni gera sjálfstæða rannsókn á málinu þegar lögreglan hefur lokið sinni rannsókn.
