fbpx
Mánudagur 05.desember 2022
Fréttir

Líkamsárás við Norðlingaskóla í gærkvöldi

Ritstjórn DV
Laugardaginn 24. september 2022 08:28

Norðlingaskóli - Mynd/Reykjavíkurborg

Ekki missa af Helstu tíðindum dagsins í pósthólfið þitt

Lesa nánar

Líkamsárás átti sér stað um klukkan 1 í nótt við Norðlingaskóla í Árbænum. Hópur unglinga var á vettvangi þegar lögreglan mætti á svæðið en þá var árásaraðili farinn. Drengurinn sem varð fyrir árásinni var 17 ára gamall og hlaut hann áverka á höfði. Var drengurinn því fluttur á bráðadeild til aðhlynningar. Sökum þess að drengurinn var undir 18 ára var hringt í móður hans sem ætlaði sér að mæta til drengsins á bráðadeildina. Þetta er á meðal þess sem kemur fram í dagbók lögreglu.

Þetta var ekki eina líkamsárásin sem lögreglunni var tilkynnt um í nótt en önnur líkamsárás átti sér stað í 101 Reykjavík. Þar var maður sem sló síma úr hendi annars manns en þegar eigandi símans ætlaði að ná í hann var hann ítrekað sleginn í andlitið. Hlaut hann minniháttar áverka vegna þessa.

Þá segir í dagbókinni frá slagsmálum milli tveggja manna, ökumanns og gangandi vegfaranda. Slagsmálin áttu sér stað í 105 Reykjavík í gærkvöldi eftir að gangandi vegfarandinn gekk í veg fyrir bíl ökumannsins. Ökumaðurinn fór þá út úr bílnum til að ræða við manninn en þær viðræður enduðu í slagsmálum. Ökumaðurinn er þá sagður hafa sótt prik í bílinn og ógnað gangandi vegfarandanum með því. Ökumaðurinn fékk sár á augabrún og fékk aðhlynningu á bráðadeild. Lögregla tók skýrslur af báðum mönnunum.

Nokkrar bifreiðar voru stöðvaðar víðs vegar um höfuðborgarsvæðið þar sem ökumenn voru grunaðir um að aka undir áhrifum áfengis og/eða fíkniefna. Umferðaróhapp átti sér svo stað í Árbænum um kvöldmatarleytið í gær en ökumaðurinn sem olli slysinu er grunaður um akstur undir áhrifum fíkniefna sem og að hafa fíkniefni í vörslu sinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 dögum

Ekkert erlent barn hefur verið ættleitt hingað til lands á árinu

Ekkert erlent barn hefur verið ættleitt hingað til lands á árinu
Fréttir
Fyrir 3 dögum

Bandaríkin sögð íhuga að þjálfa enn fleiri úkraínska hermenn

Bandaríkin sögð íhuga að þjálfa enn fleiri úkraínska hermenn