fbpx
Mánudagur 03.október 2022
Fréttir

Árás var talin yfirvofandi – Höfðu sérstakan áhuga á árshátíð lögreglunnar

Ritstjórn DV
Föstudaginn 23. september 2022 07:05

Sérsveitin að störfum. Mynd tengist ekki frétt. Fréttablaði/Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Talið er að hugsanlegar árásir mannanna sem handteknir voru í umfangsmiklum aðgerðum á þriðjudag hafi verið yfirvofandi á næstu dögum. Gæsla hafi verið hert við Alþingishúsið svo lítið bar á og þá hafi mennirnir haft sérstakan áhuga á árshátíð lögreglumanna sem haldin verður í næstu viku. Þetta kemur fram í frétt Morgunblaðsins nú í morgun.

Alls voru fjórir íslenskir karlmenn á þrítugsaldri handteknir í aðgerðum í Holtasmára í Kópavogi og á iðnaðarsvæði í Mosfellsbæ. Tveir þeirra, báðir 28 ára gamlir, voru úrskurðaðir í gæsluvarðhald vegna málsins. Þeir eru grunaðir um und­ir­bún­ing hryðju­verka, ólög­leg­an inn­flutn­ing og fram­leiðslu skot­vopna, íhluta í skot­vopn og skot­færa. Geta brotin varðað allt að ævilöngu fangelsi.

Iðnaðarhúsnæðið í Mosfellsbæ þar sem stærstur hluti aðgerðarinnar fór fram stendur við Bugðufljót í Mosfellsbæ. Kemur fram í umfjöllun Morgunblaðsins að nágrannar í nærliggjandi bilum hafi ekki orðið varir við neitt óeðlilegt. Þá greindi Stundin frá því að grunur sé um tengsl mannanna við norræna hægri öfgahópa.

Fjölnir Sæmundsson, formaður Landssambands lögreglumanna, sagði í samtali við RÚV að lögreglumenn væru áhyggjufullir yfir þróuninni.

„Þetta er sorg­ar­dag­ur, finnst mér. Að það sé kom­in upp hryðju­verka­ógn á Íslandi. Menn hafi ætlað sér að beita vopn­um gegn al­menn­um borg­ur­um, lög­reglu eða stofn­un­um rík­is­ins. Ég verð að segja að ég var bara frek­ar sleg­inn yfir þessu,“ er haft eftir Fjölni.

Jón Gunnarsson, dómsmálaráðherra, segir í samtali við Fréttablaðið að til skoðunar sé aukin vopnaburður lögreglunnar. „Staða skipulagðrar glæpastarfsemi er alvarlegri en fólk gerir sér grein fyrir,“ segir Jón.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Baráttuandi rússneskra hermanna sagður fara dvínandi

Baráttuandi rússneskra hermanna sagður fara dvínandi
Fréttir
Fyrir 2 dögum

Lyfjaskortur á heimsvísu og ekki hjálpar til hvað íslenski markaðurinn er lítill

Lyfjaskortur á heimsvísu og ekki hjálpar til hvað íslenski markaðurinn er lítill
Fréttir
Fyrir 3 dögum

Myndband vekur mikla athygli – Fáið dömubindi og túrtappa hjá kærustunum ykkar til að nota í stríðinu

Myndband vekur mikla athygli – Fáið dömubindi og túrtappa hjá kærustunum ykkar til að nota í stríðinu
Fréttir
Fyrir 3 dögum

Öryggisráðið greiðir atkvæði um atkvæðagreiðslurnar um innlimun úkraínskra landsvæða í Rússland – Rússar með neitunarvald

Öryggisráðið greiðir atkvæði um atkvæðagreiðslurnar um innlimun úkraínskra landsvæða í Rússland – Rússar með neitunarvald