Áfram verður lokað inn á gosstöðvarnar í Meradölum í dag vegna veðurs, en lokað hefur verið þar síðan klukkan 05 á sunnudagsmorgni. Frá þessu greinir embætti Lögreglustjórans á Suðurnesjum í tilkynningu þar sem segir:

„Tekin hefur verið ákvörðun um að áfram verði lokað inn á gosstöðvarnar í dag þriðjudaginn 9. ágúst vegna veðuraðstæðna en veðurútlit fyrir svæðið er ekki gott fyrir daginn.

Ákvörðun um opnun svæðisins verður tekin á stöðufundi kl 8:30 í fyrramálið, miðvikudaginn 10. ágúst og tilkynning send á fjölmiðla í kjölfarið.“