fbpx
Föstudagur 19.ágúst 2022
Fréttir

Myndband: Maður ógnaði vagnstjóra – „Ég fer ekki að skíta út strætóinn með ÞÍNU BLÓÐI“

Ágúst Borgþór Sverrisson, Máni Snær Þorláksson
Miðvikudaginn 6. júlí 2022 16:55

Ekki missa af Helstu tíðindum dagsins í pósthólfið þitt

Lesa nánar

Í gær birtist myndband á samfélagsmiðlinum TikTok sem sýnir ógnvekjandi atvik sem átti sér stað í strætisvagni á höfuðborgarsvæðinu fyrir skömmu. Maður einn ógnaði þar öðrum manni, sem allt bendir til að hafi verið vagnstjórinn, þó að það sé raunar ekki staðfest.

Í myndbandinu hreytir maðurinn ýmsum fúkyrðum í áttina að bílstjóranum (eða öðrum farþega): „Þú ert asni, halt þú kjafti, já æstu mig meira. Þú ert fífl. Þú ert ekki búinn að sjá mig orðinn REIÐAN,“ segir maðurinn til dæmis þegar honum er sagt að setjast niður í sætið sitt.

„Þú ættir að passa þig, þú ert fífl. Grjótheimskt FÍFL,“ heyrist maðurinn svo segja síðar í myndbandinu en þá er honum sagt að horfa í spegil.

„Ég þarf ekki að skoða það sem ég þekki, þú þekkir ekki sjálfan þig, þú ert asni. Þú þekkir – þú ert feit bumba sem ættir að ÞEGJA!“ „Ég fer að berja þig, á endanum á ég eftir að gera það. En ekki í strætó, nei kallinn minn, það verður að vera fyrir utan. Ég fer ekki að skíta út strætóinn með ÞÍNU BLÓÐI.“

Þá virðist vera sem manninum sé sagt að „borða bara ísinn“ sinn. „Þú ættir að þegja, nú ÞEGIRÐU,“ segir maðurinn í þann mund sem hann stendur upp og gengur í átt að bílstjóranum. „Það er komið að ÞEGJA!“ segir hann svo. Í lok myndbandsins má sjá hvernig maðurinn er rekinn úr vagninum. „Helvítis AUMINGINN ÞINN. ÞÚ ERT DRULLUSOKKUR! Ég á eftir að kynnast þér aftur,“ segir maðurinn þá.

Einstaklingurinn sem birti myndbandið á TikTok er spurður að því í athugasemdum hver hafi verið kveikjan að þessu framferði mannsins. Viðkomandi segist ekki hafa hugmynd um það: „Það komu bara 2 gæjar inni strætó að rífast og svo bara gerðist þetta.“

Ekki algengt að vagnstjórum sé ógnað

DV hafði samband við Jóhannes Svavar Rúnarsson, framkvæmdastóra Strætó, en hann kannast ekki við þetta atvik. „Ég kannast ekki við málið. Ég held að það sé sjaldgæft að verið sé að ógna vagnstjórum á alvarlegan hátt. En það er alveg þekkt að það sé verið að hrækja á þá og hreyta ónotum í þá. En þetta er ekki mjög oft, kemur fyrir.“

Jóhannes segir það ekki óþekkt að vagnstjórar þurfi að stöðva akstur og hringja í lögreglu. „Það kemur reglulega fyrir og það er ekki endilega vegna þess að það sé verið að ógna þeim, heldur getur það verið annars konar hegðun í vagninum. Við brýnum fyrir þeim að fara ekki inn í aðstæður sem þeir ráða ekki við heldur hringja strax í lögreglu.“

Jóhannes segir fremur sjaldgæft að mál af þessu tagi komi inn á borð stjórnenda Strætó. „Við heyrum ekki af öllum smámálum, þeir leysa þau oft sjálfir. En við heyrum á þeim að þeir verða oft fyrir dónaskap eins og margt annað fólk í framlínustörfum.“

Jóhannes segir að mjög alvarlega ógnanir í garð vagnstjóra séu sjaldgæfar þó að slíkt sé þekkt.

video
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Siggi Hlö hættir með útvarpsþáttinn vinsæla – „Ég er því sáttur að hætta á toppnum“

Siggi Hlö hættir með útvarpsþáttinn vinsæla – „Ég er því sáttur að hætta á toppnum“
Fréttir
Í gær

Guðni er ósáttur – „Þetta getum við Sunnlendingar ekki látið yfir okkur ganga“

Guðni er ósáttur – „Þetta getum við Sunnlendingar ekki látið yfir okkur ganga“
Fréttir
Í gær

Tekjudagar DV: Sölvi Tryggvason með yfir 1,6 milljón á mánuði

Tekjudagar DV: Sölvi Tryggvason með yfir 1,6 milljón á mánuði
Fréttir
Í gær

Tekjudagar DV: Haraldur Ingi með yfir 100 milljónir í laun á mánuði – Kaus að borga hæsta mögulega skatt

Tekjudagar DV: Haraldur Ingi með yfir 100 milljónir í laun á mánuði – Kaus að borga hæsta mögulega skatt
Fréttir
Fyrir 2 dögum

Var misnotaður af eldri bróður sínum – „Lögreglan var aldrei að vinna með okkur, heldur alltaf að vinna á móti okkur.“ 

Var misnotaður af eldri bróður sínum – „Lögreglan var aldrei að vinna með okkur, heldur alltaf að vinna á móti okkur.“ 
Fréttir
Fyrir 2 dögum

Teipaði kíló af kóki við lærið og stökk í flug – Hefði betur sleppt því

Teipaði kíló af kóki við lærið og stökk í flug – Hefði betur sleppt því
Fréttir
Fyrir 3 dögum

Skúli svarar Óttari – Segist hvorki vera gjaldþrota né auðmaður

Skúli svarar Óttari – Segist hvorki vera gjaldþrota né auðmaður
Fréttir
Fyrir 3 dögum

Háttsettur rússneskur embættismaður sagður hafa sett sig í samband við Vesturlönd til að binda enda á stríðið

Háttsettur rússneskur embættismaður sagður hafa sett sig í samband við Vesturlönd til að binda enda á stríðið