fbpx
Þriðjudagur 09.ágúst 2022
Fréttir

Auglýsa 30 milljóna króna brugggræjur til sölu á Facebook – „ÁTVR hefur verið frekar fjandsamlegt við okkur“

Máni Snær Þorláksson
Mánudaginn 27. júní 2022 20:30

Dagbjartur og brugghúsið - Myndir/Aðsendar

Ekki missa af Helstu tíðindum dagsins í pósthólfið þitt

Lesa nánar

Dagbjartur Ingvar Arilíusson birti í gær færslu í Facebook-hópnum Brask og brall.is þar sem hann auglýsti atvinnu-bruggtæki til sölu. „Vegna endurskipulagningar eru til sölu fullkomnar brugggræjur,“ segir Dagbjartur í færslunni en í pakkanum er 2.000 lítra brugghús, tankar, sía og fleira. „Komplett verksmiðja,“ segir hann. Ásett verð er 30 milljónir en ýmis skipti verða skoðuð.

DV hafði samband við Dagbjart en hann rekur ásamt fleirum brugghúsið Steðja í Borgarfirðinum. „Við erum að íhuga að hætta,“ segir hann í samtali við blaðamann. „Það er ákveðin þreyta hjá okkur, þetta er búið að vera erfiður rekstur skulum við segja bara. Þetta tekur á, það er mikil vinna í kringum þetta og við erum kannski ekki nógu nálægt markaðnum heldur.“

Aðspurður um markaðinn segir Dagbjartur hann vera mjög erfiðan. „Ríkið er ekkert að hjálpa til,“ segir hann.

Skömmu fyrir síðustu þinglok var lögum um sölu á áfengi breytt og verður handverksbrugghúsum líkt og Steðja heimilt að selja áfengi frá framleiðslustað frá og með næstu mánaðarmótum. Dagbjartur segir hins vegar það ekki breyta miklu fyrir reksturinn þeirra og er klásan um að salan þurfi að fara fram á framleiðslustað ástæðan fyrir því.

„Við megum við fara að selja út úr brugghúsunum en þá einmitt lendum við í því að við erum staðsett uppi í sveit og markaðurinn er ekki nálægt okkur. Þetta er dropi í hafið fyrir okkur í rauninni. Það sem okkur hefur vantað frá upphafi er bara full dreifing í ÁTVR sem hefur verið frekar fjandsamlegt við okkur,“ segir hann.

Að lokum segir Dagbjartur það vera skrýtið að vera að selja brugggræjurnar en það sé þó staðan núna „Þetta eru allavega hugmyndirnar sem eru uppi í dag hjá okkur. Við erum svona að kanna aðstæðurnar og markaðinn fyrir þetta, hvort einhver vilji kaupa brugggræjur sem eru til sölu,“ segir hann.

Samkvæmt Dagbjarti hafa viðbrögðin við auglýsingunni verið mikil. „Ég hef ekki haft undan til að svara tölvupóstum síðan ég setti þetta inn,“ segir hann.

„Þetta er gert með trega, þetta er barnið manns svolítið en maður getur ekki haldið öllu alltaf.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 dögum

Umdeildur breskur samfélagsrýnir skrifar um Íslandsreisu sína – „Ef ég hefði þurft að dvelja þarna í nokkrar vikur í viðbót hefði ég orðið gjaldþrota“

Umdeildur breskur samfélagsrýnir skrifar um Íslandsreisu sína – „Ef ég hefði þurft að dvelja þarna í nokkrar vikur í viðbót hefði ég orðið gjaldþrota“
Fréttir
Fyrir 3 dögum

Sjónvarpskonan Lóa Pind ósátt – Skrapp að kíkja á eldgosið og fékk háa rukkun í heimabankann

Sjónvarpskonan Lóa Pind ósátt – Skrapp að kíkja á eldgosið og fékk háa rukkun í heimabankann