Tveir voru fluttir á bráðadeild og einn hefur verið handtekinn eftir að byggingaverkamönnum sem voru að vinna við hús á Seltjarnarnesi í morgun lenti saman.
RÚV greinir frá þessu.
Samkvæmt upplýsingum frá lögreglu var bareflum beitt í átökunum. Aðrir nærstaddir verkamenn náðu að yfirbuga árásarmanninn.
Tveir sjúkrabílar og þrír lögreglubílar voru sendir á vettvang vegna árásarinnar. Óvíst er með líðan mannanna tveggja sem fluttir voru á bráðadeild með sjúkrabíl.
