fbpx
Miðvikudagur 29.júní 2022
Fréttir

Segir að friðarsamningur við Pútín sé tálsýn – Segir hann vilja mikla landvinninga

Kristján Kristjánsson
Föstudaginn 10. júní 2022 05:50

Hvað ætlar Pútín að segja? Mynd:Getty

Ekki missa af Helstu tíðindum dagsins í pósthólfið þitt

Lesa nánar

Hún hefur margoft setið við samningaborðið með Vladímír Pútín, Rússlandsforseta, og reynt að ná samningum um eitt og annað. Þetta veitti henni skýra sýn á Pútín og drauma hans og nú varar hún heimsbyggðina við.

Þetta er Julija Tymosjenko sem var forsætisráðherra Úkraínu tvisvar. Hún var táknmynd fyrir baráttu Úkraínumanna fyrir lýðræði og fyrir að losna undan rússneskum áhrifum. Hún sá meðal annars um samningaviðræður við Pútín 2009 um gas en sá samningur reyndist henni dýrkeyptur síðar.

En fundirnir með Pútín veittu henni innsýn í hvað rekur Pútín áfram, að minnsta kosti að hennar mati. „Hann er rekinn áfram af hugmynd um sögulega vegferð og draum um að búa til heimsveldi. Það er markmið hans til langs tíma. Þetta má rekja til innri hvatar og sannfæringar,“ sagði Tymosjenko í samtali við The Guardian.

Julija Tymosjenko. Mynd:Getty

 

 

 

 

 

 

Hún segir að heimsveldisdraumarnir snúist ekki aðeins um stríðið gegn Úkraínu. Hún segir að hann vilji leggja Hvíta-Rússland, Georgíu og Moldóvu undir sig sem og að stjórna Mið- og Austur-Evrópu, þar á meðal Eystrasaltsríkjunum. Nákvæmlega eins og var á tímum Sovétríkjanna.

Hún lýsir honum sem „skynsömum, kaldlyndum, grimmum og illum“ og varar Vesturlönd við: „Friðarsamningur við Pútín er tálsýn því hann leiðir ekki til friðar. Hann mun leiða til nýs stríðs síðar.“

Hún sér því bara eina ásættanlega lausn á stríðinu í Úkraínu – Algjöran ósigur Rússa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Monica Lewinsky kallar eftir því að níðingarnir verði látnir svara til saka

Monica Lewinsky kallar eftir því að níðingarnir verði látnir svara til saka
Fréttir
Fyrir 15 klukkutímum

Segir að ekkert stríð væri í Úkraínu ef Pútín væri kona

Segir að ekkert stríð væri í Úkraínu ef Pútín væri kona
Fréttir
Í gær

Eldur í Dalshrauni

Eldur í Dalshrauni
Fréttir
Í gær

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar
Fréttir
Fyrir 2 dögum

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“
Fréttir
Fyrir 2 dögum

Lögreglan leitar manns

Lögreglan leitar manns