Meirihlutinn í Hafnarfirði heldur miðað við fyrstu tölur sem voru að berast. Sjálfstæðisflokkurinn og Samfylkingin voru með jafnmörg atkvæði í fyrstu tölum og alls 27,9% fylgi á hvorn flokk og fjóra bæjarfulltrúa. Sjálfstæðisflokkurinn tapar einum bæjarfulltrúa en meirihlutinn heldur velli vegna þess að Framsóknarflokkurinn bætir við sig fylgi. Alls fær flokkurinn 16,4% fylgi og tvo bæjarfulltrúa.

Viðreisn fær 9,8% fylgi og einn bæjarfulltrúa en aðrir flokkar sem buðu fram eru án bæjarfulltrúa.

Alls voru 6.170 atkvæði  talin og þar af voru auðir 50 og 20 seðlar ógildir.

Í viðtali á RÚV sagðist Rósa Guðbjartsdóttir, bæjarstjóri í Hafnarfirði, vera bjartsýn fyrir kvöldinu og benti á að í síðustu sveitarstjórnarkosningum hafi flokkurinn fengið fimmta manninn inn þegar komið var undir morgun.

Atkvæðin skiptust svona:

Framsókn – 1.000 atkvæði – 16,4% – 2 bæjarfulltrúar

Sjálfstæðisflokkurinn – 1.700 atkvæði – 27,9% – 4 bæjarfulltrúar

Samfylkingin – 1.700 atkvæði – 27,9% – 4 bæjarfulltrúar

Viðreisn – 600 atkvæði – 9,8% – 1 bæjarfulltrúi

Píratar – 400 atkvæði – 6,6% – án bæjarfulltrúa

Bæjarlistinn – 300 atkvæði – 4,9% – án bæjarfulltrúa

VG – 300 atkvæði – 4,9% án bæjarfulltrúa

Miðflokkurinn – 100 atkvæði – 1,6% – án bæjarfulltrúa