Eldur kom upp í tveimur heimahúsum í gærkvöldi. Klukkan 21.37 var tilkynnt um eld í heimahúsi í Hafnarfirði. Húsráðendur náðu að ráða niðurlögum hans áður en lögregla og slökkvilið komu á vettvang. Klukkan 22.27 var tilkynnt um eld í fjölbýlishúsi í Miðborginni. Þar hafði pottur gleymst á eldavél. Slökkvilið reykræsti.

Klukkan 02.24 var tilkynnt um eld í bifreið í Árbæ. Eldurinn barst síðan í aðra bifreið. Slökkvilið slökkti eldinn.

Um klukkan 23 var tilkynnt um mann sem var að reyna að komast inn í bifreiðar í Miðborginni. Á meðan lögreglan var á leið á vettvang barst tilkynning um að maðurinn hefði komist inn í bifreið og ekið á brott. Bifreiðin fannst skömmu síðar og var meintur bílþjófur handtekinn og vistaður í fangageymslu.

Tveir ökumenn voru handteknir í gærkvöldi og nótt grunaður um að vera undir áhrifum fíkniefna. Annar þeirra er grunaður um vörslu fíkniefna.

Í Mosfellsbæ hafði lögreglan afskipti af ofurölvi unglingi. Málið var afgreitt með aðkomu foreldra og barnaverndaryfirvalda.

Í Kópavogi var tilkynnt um innbrot í bifreið á þriðja tímanum í nótt.

Skráningarnúmer voru tekin af fimmtán bifreiðum í nótt þar sem þær höfðu ekki verið færðar til skoðunar á tilsettum tíma.