Lögreglan á höfuðborgarsvæðinu hafði í nógu að snúast í gærkvöldi og nótt. Meðal helstu mála er að tilkynnt var um einkennisklæddan mann, sem væri að biðja fólk um styrk fyrir ákveðna starfsemi og vildi fá persónuupplýsingar og greiðslukortanúmer fólks. Lögreglan fann manninn ekki.

Í Miðborginni voru þetta helstu verkefnin:

Lögreglan rannsakaði umferðaróhapp sem átti sér stað síðdegis. Annar ökumannanna, sem í hlut áttu, reyndist vera sviptur ökuréttindum.

Einn ökumaður var kærður fyrir að aka sviptur ökuréttindum.

Lögreglan sinnti útkalli vegna ágreinings og hugsanlegra skemmdarverka. Rætt var við málsaðila og skýrslu skrifuð.

Einn ökumaður var kærður fyrir að aka undir áhrifum fíkniefna. Hann var einnig kærður fyrir vörslu fíkniefna.

Maður var fjarlægður úr stigagangi fjölbýlishúss en þar hafði hann ítrekað dvalið í óleyfi.

Tilkynnt var um skemmdir á bifreið eftir snjókast.

Slys varð í sundlaug þar sem gestur hlaut sár á höfði. Hann var fluttur á bráðamóttöku.

Tilkynning barst um mann sem væri að stela snjósleða. Sá taldi sig í rétti til að taka sleðann því hann hefði staðið svo lengi á sama stað. Lögreglan stöðvaði hann í þessu og hélt hann á brott.

Tilkynnt var um þjófnað í matvöruverslun. Málið var afgreitt á vettvangi.

Nokkur útköll voru tengd ölvun, hávaða og flutningum með sjúkrabifreið.

Í Hafnarfirði og Garðabæ voru þetta helstu verkefnin:

Tilkynnt var um innbrot í bifreið.

Lögreglan á höfuðborgarsvæðinu hafði í nógu að snúast í gærkvöldi og nótt. Meðal helstu mála er að tilkynnt var um einkennisklæddan mann, sem væri að biðja fólk um styrk fyrir ákveðna starfsemi og vildi fá persónuupplýsingar og greiðslukortanúmer fólks. Lögreglan fann manninn ekki.

Þrír voru handteknir og vistaðir í fangageymslu þar sem grunur leikur á að þeir dvelji ólöglega hér á landi.

Óvelkomnum manni var vísað út úr fjölbýlishúsi.

Í Kópavogi og Breiðholti voru þetta helstu verkefnin:

Tilkynnt var um þjófnað úr verslun. Málið var afgreitt á staðnum og greitt var fyrir vörurnar.

Manni var vísað út af veitingastað en þar var hann ekki velkominn.

Tveir voru handteknir og vistaðir í fangageymslu vegna líkamsárásar og eignaspjalla.

Í Grafarvogi, Árbæ og Mosfellsbæ voru þetta helstu verkefnin:

Leigubifreiðastjóri fékk aðstoð þar sem farþegi átti ekki fyrir áföllnu aksturgjaldi en um töluverða upphæð var að ræða.

Hávaða og ágreiningsmál komu einnig inn á borð lögreglunnar í þessum hverfum.