Alexander Svanur Guðmundsson, 28 ára gamall maður, var sakfelldur í Héraðsdómi Norðurlands eystra, þann 3. nóvember síðastliðinn, fyrir líkamsárás á föður sinn. Auk þess var hann sakfelldur fyrir fíkniefnalagabrot.

Árásin átti sér stað í Hafnarfirði þann 29. ágúst árið 2020 þar sem Alexander Svanur réðst inn á heimili foreldra sinna og sló föður sinn 5 til 6 sinnum í andlitið með hnefanum sem hann hafði útbúið með hnúajárni. Faðirinn hlaut töluverða áverka af árásinni.

Alexander Svanur var að auki sakfelldur fyrir vörslu fíkniefna, m.a. kókaín og amfetamín, og umferðarlagabrot.

Alexander Svanur hefur rætt um fíknivanda sinn opinberlega en tæpu ári eftir árásina í Hafnarfirði var hann í viðtali í hlaðvarpi samtakanna Það er von. Hafði hann þá verið frá neyslu í nokkra mánuði.

Í grein Smartlands upp úr hlaðvarpinu segir meðal annars:

„Al­ex­and­er Svan­ur byrjaði að fikta við neyslu kanna­bis­efna í 10. bekk. Eft­ir langa og erfiða neyslu­sögu er hann bú­inn að vera án hug­breyt­andi efna í fjóra og hálf­an mánuð. Í hlaðvarpsþætt­in­um Það er von seg­ir Al­ex­and­er að þrátt fyr­ir stutt­an edrú­tíma hafi hann lært margt, bæði um sjálf­an sig og sjúk­dóm­inn. 

Æska Al­ex­and­ers var lituð af sorg og erfiðum til­finn­ing­um. Bróðir hans lést og faðir þeirra lenti í al­var­legu um­ferðarslysi þar sem ökumaður und­ir áhrif­um lyfja keyrði hann niður, þar sem hann var á mótor­hjóli.“

Alexander Svanur játaði brot sín fyrir dómi og var dæmdur í 60 daga skilorðsbundið fangelsi og til greiðslu 350 þúsund króna sektar í ríkissjóð. Einnig var hann sviptur örkuréttindum í níu mánuði.

Dóminn má lesa hér