fbpx
Laugardagur 28.janúar 2023
Fréttir

Þekktur Íslendingur sem sakaður hefur verið um einelti á vinnustað fær ekki að gleymast

Ritstjórn DV
Miðvikudaginn 30. nóvember 2022 10:12

Ekki missa af Helstu tíðindum dagsins í pósthólfið þitt

Lesa nánar

Persónuvernd hefur úrskurðað að karlmaður sem sakaður hefur verið um einelti á vinnustað, eigi ekki rétt á að gleymast á leitarvélinni Google, eins og sakir standa.

Maðurinn leitaði til Google og óskaði eftir því að leitarniðurstöður, um fréttir þar sem fjallað var um einelti sem hann var sakaður um að hafa beitt á vinnustað, yrðu fjarlægðar. Google neitaði þeirri beiðni með vísað til þess fyrirliggjandi gögn gæfu ekki til kynna að þær ásakanir sem fjallað var um í fréttum væru rangar, auk þess sem fréttaumfjöllunin var ennþá talin þjóna almannahagsmunum þar sem stutt væri síðan fjallað var um málið og málið tengdist þar að auki störfum mannsins.

Maðurinn leitaði þá til Persónuverndar. Persónuvernd hefur nú birt reifun á málinu, í stað þess að birta allan úrskurðinn, til að vernda persónuupplýsingar mannsins.

Persónuvernd rakti að þegar metið er hvort að rétturinn til að gleymast sé fyrir hendi geti ráðið úrslitum hvort að vinnsla persónuupplýsinga sé nauðsynleg til að neyta réttarins til tjáningar- og upplýsingafrelsis. Í persónuverndarlögum komi fram ða víkja megi frá ákvæðum laganna í þágu fjölmiðlunar, að því marki sem það er nauðsynlegt til að samræma sjónarmið um rétt til einkalífs annars vegar og tjáningar- og upplýsingafrelsis hins vegar. Eins þyrfti að skoða hvort vinnsla Google væri nauðsynleg til að almenningur gæti neytt réttar síns til upplýsingafrelsis og þannig vikið til hliðar rétti mannsins til að gleymast.

Til að komast að niðurstöðu þyrfti að meta hagsmuni almennings af því að geta nálgast upplýsingar um manninn á netinu og við það mat geti haft mikla þýðingu hvort maðurinn væri opinber persóna á borð við stjórnmálamann eða hvort hann hafi gegnt opinberu hlutverki. Þetta geti leitt til þess að fólk njóti ekki sömu einkalífsverndar og óþekktir einstaklingar.

Niðurstaðan var að vegna vinnu mannsins og hlutverki hans í þjóðlífinu væru hagsmunir almennings af því að hafa aðgang að upplýsingunum taldir vega þyngra en einkalífshagsmunir mannsins. Því hefði réttur almennings til upplýsingafrelsis vikið til hliðar rétti mannsins til að gleymast.

Því brjóta leitarniðurstöður Google um manninn ekki gegn persónuverndarlögum.

Reifun Persónuverndar í heild sinni

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Jóhannes sóttur til saka í héraði og Lexusinn á uppboði hjá Sýslumanni

Jóhannes sóttur til saka í héraði og Lexusinn á uppboði hjá Sýslumanni
Fréttir
Í gær

Frosti svarar Jóni Trausta fullum hálsi – „Hann veittist að persónu minni og mannorði“

Frosti svarar Jóni Trausta fullum hálsi – „Hann veittist að persónu minni og mannorði“
Fréttir
Fyrir 2 dögum

Baldur segir hugvíkkandi efni ekkert annað en fíkniefni – Skilaboðin að fíkniefnaneysla sé eðlileg

Baldur segir hugvíkkandi efni ekkert annað en fíkniefni – Skilaboðin að fíkniefnaneysla sé eðlileg
Fréttir
Fyrir 2 dögum

Þorlákur dæmdur til að greiða samfanga bætur fyrir líkamsárás á Litla-Hrauni – Afplánar sjö og hálfs árs dóm fyrir tilraun til að drepa varaþingmann

Þorlákur dæmdur til að greiða samfanga bætur fyrir líkamsárás á Litla-Hrauni – Afplánar sjö og hálfs árs dóm fyrir tilraun til að drepa varaþingmann
Fréttir
Fyrir 2 dögum

Nýjar upplýsingar um dauða rússnesks olígarka – „Brunnið lík skýrir ekki frá leyndarmálum“

Nýjar upplýsingar um dauða rússnesks olígarka – „Brunnið lík skýrir ekki frá leyndarmálum“
Fréttir
Fyrir 2 dögum

Vestrænir skriðdrekar auka á ótta Rússa við að bíða sögulegan ósigur

Vestrænir skriðdrekar auka á ótta Rússa við að bíða sögulegan ósigur