Nokkuð viðamikil lögregluaðgerð hefur staðið yfir í Skeifunni nú undir kvöldið, nánar tiltekið við fyrrverandi verslun Elko, sem nú er flutt og húsið stendur autt. Blaðamaður DV var á vettvangi og tók nokkrar ljósmyndir. Svæði í kringum húsið var lokað af með gulum borða.
Tveir lögreglubílar voru á vettvangi, tvö lögregluhjól og nokkur fjöldi lögreglumanna.
DV náði sambandi við Rafn Hilmar Guðmundsson, aðalvarðstjóra á Lögreglustöð 1. Veitti hann þær upplýsingar að um líkfund væri að ræða. Talið er að lát mannsins hafi ekki borið að með saknæmum hætti. Rafn gat ekki veitt frekari upplýsingar um málið en það fer síðan til rannsóknar hjá Miðlægri rannsóknardeild Löreglunnar á höfuðborgarsvæðinu.
Líkið lá fyrir utan kjallara hússins, þar sem meðfylgjandi mynd var tekin eftir að það hafði verið flutt burt:
