DV hefur undir höndum myndband sem sýnir ansi óvenjulegan atburð sem átti sér stað á Reykjanesbrautinni um fjögurleytið í dag.

Myndbandið er tekið úr bíl og sýnir tvö aðra bíla sem keyra fyrir framan myndatökumanninn. Fremri bíllinn hindrar aftari bílinn með því að sveigja á milli akreina, og sjá þannig til þess að framúrakstur sé ómögulegur. Auk þess virðist fremri bílinn keyra ansi hægt og dregur því einnig úr hraða annara bíla.

Þá sjást bílarnir báðir staðnæmast og úr þeim fremri stígur út ungur maður, sem virðist ekki vera  parsáttur. Hann sést ganga að hinum bílnum og ræðst að rúðu hans. Maðurinn sparkar í eða stappar á rúðunni að minnsta kosti þrisvar sinnum.

Aðrir bílar í umferðinni neyðast til þess að keyra fram hjá þessu svakalega atviki, og þar á meðal er bíllinn þaðan sem myndbandið er tekið. Í bílnum heyrast samskipti fólks, á meðan það reynir að koma sér hjá óeirðunum.

„Drífðu þig áfram þarna,“ segir ein rödd og önnur svarar: „Hvað er hann að gera?“. Þá heyrist fyrri röddin segja: „Það þarf nú bara að hringja í lögguna,“

Ekki náðist í lögregluna á Suðurnesjum við vinnslu fréttarinnar.

Hér fyrir neðan sést mynbandið sem um ræðir:

Sparkar í glugga bíls á Reykjanesbrautinni.mov from DV Sjónvarp on Vimeo.