fbpx
Miðvikudagur 25.maí 2022
Fréttir

Dularfullt drónaflug í Reykjanesbæ rakið til lögreglu

Ritstjórn DV
Þriðjudaginn 18. janúar 2022 11:00

Ekki missa af Helstu tíðindum dagsins í pósthólfið þitt

Lesa nánar

„Óútskýrð ljós á himnum fyrir ofan Reykjanesbæ eru að öllum líkindum drónar á vegum lögreglunnar. Engin svör fást frá Lögreglustjóranum á Suðurnesjum sem gætu útskýrt umrædd ljós en Ríkislögreglustjóri segir sérsveitina æfa drónaflug á svæðinu,“ segir í fréttaskýringu á vefnum 24.is en Atli Már Gylfason hefur undanfarna mánuði rannsakað dularfullt flug dróna yfir bænum.

Þess má geta að Atli Már er þekktur rannsóknarblaðamaður sem hefur starfað fyrir DV og Stundina. Hann er nú nýkominn til starfa aftur eftir nokkurt hlé og vinnur hjá 24.is.

Í greininni kemur fram að stórum drónum á vegum lögreglunnar er reglulega flogið frá Keflavíkurflugvelli og yfir byggð í Reykjanesbæ. Lögreglumönnum sem eru sérþjálfaðir í drónaflugi hefur fjölgað mikið undanfairð. Staðfestir talsmaður hjá sérsveit Ríkislögreglustjóra að margir drónar séu í eigu embættisins og þeim sé flogið reglulega.

Hins vegar kannast lögreglan á Suðurnesjum ekki við að eiga dróna. Spurningin er þá sú hverjir standa á bak við drónaflugið í Reykjanesbæ. „En ef það voru ekki lögreglumenn á Suðurnesjum sem voru að fljúga umræddum drónum, hver gæti það þá verið? Hver gæti verið að fljúga drónum ítrekað frá Keflavíkurflugvelli og yfir byggð í Reykjanesbæ?“ segir í grein Atla. Eftirgrennslanir hans hafa leitt í ljós að drónaeign hjá íslenskum lögregluembættum hefur stóraukist en þó kannast Lögreglan á Suðurnesjum ekki við að eiga dróna. Síðan segir:

„En hvað ætli þá þessi aukna notkun flygilda hjá lögreglunni þýði fyrir almenning? Eftir því sem 24 kemst næst þá þýðir það aukið eftirlit með borgurum landsins. Aukið eftirlit án þess að það krefjist heimilda. Til þess að lesendur átti sig á því hvað átt er við þegar talað er um eftirlit með heimild þá er gott að líta til þeirra verkferla, reglna og laga sem lögreglan hefur þurft að fylgja hingað til. Lögreglan má til dæmis ekki leita heima hjá þér án þess að hafa fengið heimild frá héraðsdómi, hún má ekki setja eftirfarabúnað undir bifreið án heimildar og síðast en ekki síst má hún ekki hlera símtölin þín nema að undangengnum dómsúrskurði.“

Sjá nánar á vef 24.is

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Segir mestar líkur á gosi nærri þeim stöðum þar sem mesta skjálftavirknin hefur verið

Segir mestar líkur á gosi nærri þeim stöðum þar sem mesta skjálftavirknin hefur verið
Fréttir
Fyrir 16 klukkutímum

Biskup Íslands fordæmir brottvísanir hælisleitenda

Biskup Íslands fordæmir brottvísanir hælisleitenda
Fréttir
Í gær

Líklegt að apabólan berist til Íslands – Þórólfur varar við skyndikynnum

Líklegt að apabólan berist til Íslands – Þórólfur varar við skyndikynnum
Fréttir
Í gær

Pólverjar og Úkraínumenn semja um sameiginlega landamæragæslu og fleira

Pólverjar og Úkraínumenn semja um sameiginlega landamæragæslu og fleira
Fréttir
Í gær

Telja að Rússar hafi misst álíka marga hermenn í Úkraínu og féllu í Afganistan

Telja að Rússar hafi misst álíka marga hermenn í Úkraínu og féllu í Afganistan
Fréttir
Í gær

Segir að Pútín sé kominn í blindgötu

Segir að Pútín sé kominn í blindgötu
Fréttir
Fyrir 2 dögum

Þórður með upplýsingar úr rannsókninni sem hann átti ekki að hafa – Páll segir fjórmenningana fá óeðlilega fyrirgreiðslu

Þórður með upplýsingar úr rannsókninni sem hann átti ekki að hafa – Páll segir fjórmenningana fá óeðlilega fyrirgreiðslu
Fréttir
Fyrir 2 dögum

Undirskriftarsöfnun til stuðnings tveimur ungum konum sem á að vísa úr landi – „Kona getur ekki sótt um skilnað frá eiginmanni sínum“

Undirskriftarsöfnun til stuðnings tveimur ungum konum sem á að vísa úr landi – „Kona getur ekki sótt um skilnað frá eiginmanni sínum“