fbpx
Þriðjudagur 25.janúar 2022
Fréttir

Vilja hefja áburðarframleiðslu á nýjan leik hér á landi

Kristján Kristjánsson
Föstudaginn 14. janúar 2022 09:00

Bændur þurfa áburð á túnin. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Miklar verðhækkanir hafa orðið á áburði að undanförnu vegna hækkunar á orkuverði erlendis og hrávöru og skorti á aðföngum. Hefur verðið til bænda að minnsta kosti tvöfaldast á milli ára. Bændasamtökin telja að þetta auki líkurnar á að áburðarframleiðsla hefjist á nýjan leik hér á landi.

Fréttablaðið skýrir frá þessu í dag. Hefur blaðið eftir Trausta Þórissyni og Ásdísi Erlu Gísladóttur, kúabændum á Hofsá í Svarfaðardal, að þau muni kaupa minna af áburði í ár en í fyrra til að reyna að bregðast við verðhækkununum en þau eru með 60 kýr. Þrátt fyrir minni kaup þá greiða þau 2,5 milljónum meira fyrir áburð í ár en í fyrra en þau myndu kaupa sama magn og í fyrra væri upphæðin 3,3 milljónir fyrir utan virðisaukaskatt.

Trausti sagðist telja einboðið að þetta ástand kalli á að áburðarverksmiðja verði reist hér á landi því ef meðalbú þurfi að greiða tveimur til þremur milljónum hærra verð á ári fyrir áburð sé ljóst að mjög fáir ráði við það.

Gunnar Þorgeirsson, formaður Bændasamtakanna, sagði að 700 milljónir hafi verið settar í stuðning til bænda vegna áburðarkaupa í fjárlögum ársins. Hann sagðist lengi hafa verið þeirrar skoðunar að hefja þurfi framleiðslu á áburði aftur hér á landi. Það sé hægt að nota græna orku í framleiðsluna og jafnvel megi horfa til útflutnings.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Pizzan gerði vel við starfsfólk Landspítalans og hvetur önnur fyrirtæki til hins sama

Pizzan gerði vel við starfsfólk Landspítalans og hvetur önnur fyrirtæki til hins sama
Fréttir
Í gær

Reynir vonast til að innbrotið í Mannlíf upplýsist í dag – Líkur á að fylgst hafi verið með heimili hans í langan tíma

Reynir vonast til að innbrotið í Mannlíf upplýsist í dag – Líkur á að fylgst hafi verið með heimili hans í langan tíma