fbpx
Mánudagur 17.janúar 2022
Fréttir

Lækna-Tómas ósáttur með áform Arion banka – „Úlfur í sauðagæru“

Máni Snær Þorláksson
Fimmtudaginn 13. janúar 2022 17:00

Myndin er samsett.

Ekki missa af Helstu tíðindum dagsins í pósthólfið þitt

Lesa nánar

„Ég hef býsna oft stungið niður penna og hneykslast á misheppnuðu kísilveri í Helguvík, sem framan af var kennt við United Silicon. Sem betur fer var þessum mengandi óskapnaði lokað í september 2017 eftir að fjöldi íbúa í Reykjanesbæ hafði veikst af útblæstri verksmiðjunnar – sem allir eru sammála um að standi alltof nálægt íbúabyggð.“

Svona hefst pistill sem læknirinn Tómas Guðbjartsson, sem oft er kallaður Lækna-Tómas, skrifar en hann er allt annað en sáttur með áform um að opna verksmiðjuna á ný.

„Núverandi eigandi, Stakkaberg, sem er í eigu Arionbanki, gefst ekki upp við að reyna að opna verksmiðjuna að nýju. Samt hefur virði hennar verið fært niður í bókum bankans og flestir á því að henni sé best borgið sem brotajárn,“ segir Tómas í pistlinum sem birtist á Vísi.

Í kjölfar þess að bankinn tilkynnti fyrir tæpum tvemur árum hugsanlega endurlífgun verksmiðjunnar skrifaði Tómas harðorða grein um málið. Hann segir umræðuna eitthvað hafa lognast út af eftir umræðuna á þeim tíma. „Nú er Arionbanki aftur mættur með adrenalínsprautu sem ætluð er löngu dauðvona verksmiðju. Ástæðan er eflaust sögulega hátt kísilverð um þessar mundir – sem allar líkur eru á að lækki aftur þegar Covid-faraldrinum líkur,“ segir hann

„Breytingatillögur Stakkabergs á þessu verksmiðjulíki hefur Skipulagsstofnun af óskiljanlegum ástæðum blessað – sem þó réttlætir engan veginn opnun hennar. Þyngst vegur að verksmiðjan er afar mengandi, en á fullum afköstum er talið að hún brenni allt að 150.000 tonnum af kolum á ári. Síðan vilja hvorki íbúar né bæjaryfirvöld í Reykjanesbæ sjá verksmiðjuna – og í staðinn losna við hana – enda bæði heilsuspillandi og ljót.“

Tómas spyr hvort Arion banki ætli virkilega að fara gegn íbúum og bæjaryfirvöldum eins stærsta byggðakjarna á Íslandi og hvort það sé gert með gróðann eingöngu að leiðarljósi?

„Einnig má spyrja hvort opnun verksmiðjunnar samrýmist áformum bankans í baráttunni við loftslagsvandann. Hvar er samfélagslega ábyrgð bankans? Eða er bankinn úlfur í sauðagæru sem á heimasíðu sinni auglýsir græn gildi og skartar bankastjóra sem nýlega var valinn Markaðsmaður ársins? Bankinn skilaði jú methagnaði í krónum talið og telst varla á vonarvöl.

Að lokum spyr Tómas hvort það sé ekki kominn tími á að bankinn forgangsraði öðruvísi. „Er ekki kominn tími til að bankinn forgangsraði með umhverfi og heilsu fólks að leiðarljósi – í stað peninga? Þannig banka held ég að flestir vilji skipta við.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Lögreglan heimsótti Covid-smitaða Möggu Frikka og sakaði hana um að hanga í sameigninni – „Skammist ykkar segi ég bara“

Lögreglan heimsótti Covid-smitaða Möggu Frikka og sakaði hana um að hanga í sameigninni – „Skammist ykkar segi ég bara“
Fréttir
Fyrir 2 dögum

Aðfangadagsþjófur í Reykjanesbæ skikkaður til að afplána 270 daga í viðbót eftir endurtekin brot

Aðfangadagsþjófur í Reykjanesbæ skikkaður til að afplána 270 daga í viðbót eftir endurtekin brot
Fréttir
Fyrir 3 dögum

Karlotta stígur fram og skýrir frá hrottalegu kynferðisofbeldi – „Eigum við að „nefna“ fleiri svona menn innan Árvaks?“

Karlotta stígur fram og skýrir frá hrottalegu kynferðisofbeldi – „Eigum við að „nefna“ fleiri svona menn innan Árvaks?“
Fréttir
Fyrir 3 dögum

Teitur hlaut dóm fyrir skattsvik – Þarf að greiða 15,2 milljón króna sekt til ríkissjóðs

Teitur hlaut dóm fyrir skattsvik – Þarf að greiða 15,2 milljón króna sekt til ríkissjóðs