Það fer ekki á milli mála að tilkynning tónlistarkonunnar Svölu Björgvinsdóttur á samfélagsmiðlum í gær vakti mikla athygli, en hún greindi frá því að hún og Alexander Alexandersson, sem er fæddur 1998 og því töluvert yngri en Svala, væru komin á fast eftir að hafa verið að hittast í nokkrar vikur.

Fréttablaðið skrifaði um þetta frétt og birti hana á Facebook-síðu sinni. Þar tjáðu margir sterkar skoðanir en Svölu fannst hún ekki geta hunsað eina tiltekna athugasemd.

Hún hljóðar svo: „Vonandi ekki annar dópsali, en það er þó alltaf betra að fá dópið frítt.“

Þá svaraði Svala: „Elsku þú. Rosa­lega ertu ó­við­eig­andi! Ég hef aldrei á ævi minni tekið eitur­lyf og ég drekk ekki einu sinni á­fengi, vonandi líður þér vel að tala svona um per­sónu sem þú þekkir ekki neitt. Sendi þér faðm­lag því þú þarft greini­lega á því að halda.“

Hátt í fimm hundruð manns hafa brugðist við athugasemd Svölu.