Þetta er mat breskra leyniþjónustustofnana en breska varnarmálaráðuneytið skýrði frá þessu í stöðuskýrslu sinni í gær en ráðuneytið sendir frá sér stöðuskýrslu daglega um gang mála í stríðinu í Úkraínu.
Í stöðuskýrslunni segir að Rússar hafi líklega orðið fyrir miklu og eyðileggjandi mannfalli meðal lágtsettra hermanna og einnig meðal yfirmanna á millistigi. Fram kemur að þrýstingur frá Kreml á háttsetta herforingja smiti út frá sér á vígvellinum þar sem óraunhæfar væntingar séu gerðar til rússnesku hermannanna og það hefur miklar afleiðingar að mati Bretanna.
Þeir segja að þessi þrýstingur verði til þess að herdeildarforingjar muni líklega sjá til þess að rússnesku hersveitirnar haldi sókn sinni áfram en það feli í sér mikla hættu á enn meira mannfalli. Ástæðan fyrir þessu er að sögn ráðuneytisins að mikil ábyrgð sé lögð á herdeildarforingjana hvað varðar árangurinn á vígvellinum.
Bretarnir telja að hið mikla mannfall hafi áhrif á móral rússnesku hermannanna og vilja þeirra til að berjast. Segja þeir að upplýsingar hafi borist um uppreisnir meðal hermanna.
Latest Defence Intelligence update on the situation in Ukraine – 30 May 2022
Find out more about the UK government's response: https://t.co/ZlY83BdoL1
🇺🇦 #StandWithUkraine 🇺🇦 pic.twitter.com/A9VVmuIBU4
— Ministry of Defence 🇬🇧 (@DefenceHQ) May 30, 2022