fbpx
Fimmtudagur 07.júlí 2022
Fréttir

Helgi gefur lítið fyrir útskýringar mannsins sem birti myndbandið – „Grow a pair maður“

Máni Snær Þorláksson
Föstudaginn 13. maí 2022 14:06

Mynd af Helga: Eyþór Arnarsson - Skjáskot: Twitter

Ekki missa af Helstu tíðindum dagsins í pósthólfið þitt

Lesa nánar

Myndband sem tekið var upp á dyrabjöllumyndavél hér á Íslandi hefur vakið mikla athygli á samfélagsmiðlinum Twitter. Í myndbandinu má sjá konu á sjötugsaldri sem er að ganga í hús á vegum Samfylkingarinnar. Hún býður manninum sem svarar rós en maðurinn segir henni að setja rósina frekar í ruslatunnuna við húsið.

Umrætt myndband hefur verið harðlega gagnrýnt og sér í lagi maðurinn sem birti myndbandið á Twitter. Sá kveðst þó ekki vera sá sem tók það upp heldur hafi hann bara dreift því áfram. „Hef ekki hugmynd um hvaða aðili var að eyða tíma í þetta en það var ekki ég. Var einmitt að gera grín af því að hafa eytt tíma í þetta rugl,“ segir maðurinn sem dreifði myndbandinu og uppskar í kjölfarið mikla gagnrýni.

Fjölmiðlamaðurinn Helgi Seljan er á meðal þeirra sem lætur manninn heyra það. „Ahh já þetta var svona forvarnarmyndband,“ segir Helgi í athugasemd við útskýringu mannsins – að öllum líkindum skrifað í kaldhæðni. „Þið sjomlarnir eruð svo ævintýralega miklir vesalingar, þegar á reynir,“ segir hann nefnilega svo.

Maðurinn sem birti myndbandið heldur þá áfram að afsaka sig og segir Helga að slaka á. „Hélt að þetta væri 100% sviðsett atriði enda hljóðið í dyrasímanum eins og það væri tekið úr stúdíói. Slaka á í hrokanum Helgi minn og anda,“ segir hann.

Helgi gefur þó lítið fyrir þessar útskýringar mannsins. „Já akkúrat. Þú varst bara að sýna hvernig svona deepfake virkaði… Grow a pair maður. Þér fannst þetta fyndið. Deal with it,“ segir hann.

Konan ekki einu sinni á Twitter

Kennarinn Elín Soffía Harðardóttir, konan með rósina í myndbandinu, hefur nú stigið fram í samtali við Vísi og segir hún að sér hafi verið brugðið að sjá myndbandið af sér í dreifingu á Twitter. „Ég er ekki einu sinni á Twitter. Ég er búin að vera í sjálfboðaliðastarfi fyrir flokka og í forsetakosningum síðan ég var sextán ára, og nú komin á sjötugsaldur. Ég hef bara aldrei orðið fyrir svona, þarna er bara verið að gera lítið úr manni,“ segir hún í samtali við blaðamann Vísis.

„Mér hefði aldrei dottið í hug að einhver myndi taka mann upp á myndband heima hjá sér og birt á samfélagsmiðlum. Þetta er bara friðhelgi, að einhver bara birti myndband af manni og reyni að gera lítið úr manni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Brjálaður út í spilakassa í miðborginni og hótaði starfsfólki

Brjálaður út í spilakassa í miðborginni og hótaði starfsfólki
Fréttir
Fyrir 2 dögum

Breskir stríðsfangar í Úkraínu áfrýja dauðadómi – Verða að óbreyttu leiddir fyrir aftökusveit

Breskir stríðsfangar í Úkraínu áfrýja dauðadómi – Verða að óbreyttu leiddir fyrir aftökusveit
Fréttir
Fyrir 3 dögum

Héðinn og Sveinn segja mannréttindabrot framin á stofnunum landsins „nær daglega“

Héðinn og Sveinn segja mannréttindabrot framin á stofnunum landsins „nær daglega“
Fréttir
Fyrir 3 dögum

Þorsteinn um ósæmilega hegðun foreldra á knattspyrnumótum: „Þetta er toppurinn á ísjakanum“

Þorsteinn um ósæmilega hegðun foreldra á knattspyrnumótum: „Þetta er toppurinn á ísjakanum“