Á ellefta tímanum í gærkvöldi voru tveir menn handteknir í Árbæ. Þeir voru í annarlegu ástandi og með exi meðferðis. Þeir voru vistaðir í fangageymslu.

Á tíunda tímanum var einn handtekinn í Grafarvogi eftir að tilkynnt var um yfirstandandi innbrot. Viðkomandi var vistaður í fangageymslu.

Á fyrsta tímanum í nótt var tilkynnt um tvo menn að rífast í Árbæ og fylgdi sögunni að þeir væru vopnaðir. Málið var afgreitt á vettvangi að því er segir í tilkynningu lögreglunnar.

Skömmu eftir miðnætti datt kona og kenndi til eymsla í baki og mjöðm. Hún var flutt með sjúkrabifreið á bráðamóttöku.

Um klukkan tvö var ekið á reiðhjólamann í Háaleitis- og Bústaðahverfi. Hann slapp ómeiddur.

Einn ökumaður var handtekinn í nótt grunaður um að vera undir áhrifum áfengis.