Maður á Akureyri hefur verið úrskurðaður í gæsluvarðhald til 30. mars, bæði af Héraðsdómi Reykjavíkur og Landsrétti, sem staðfesti úrskurðinn.
Maðurinn er til rannsóknar vegna síbrota og tilraunar til manndráps. Eru samtals 13 mál gegn honum í rannsókn lögreglu. Er hann sakaður um að hafa hvað eftir annað brotið nálgunarbann gegn konu. Eru taldar miklar líkur á því að hann haldi brotum sínum áfram ef hann gengur laus.
Alvarlegasta brotið sem maðurinn er sakaður um er tilraun til manndráps. Er hann sakaður um að hafa beitt unnusta sína miklu ofbeldi og meðal annars sett púða fyrir vit hennar. Nágranni kom konunni til hjálpar en atvikinu er lýst svo í úrskurði héraðsdóms:
„Mál nr. 316-2021-[…]. Dagsetning brots […] desember 2021. X er sakaður um að hafa ráðist gegn
unnustu/vinkonu sinni, A, og beitti hana miklu ofbeldi, meðal annars tekið með höndunum um háls
hennar og setti púða yfir vit hennar. Nágranni brotaþola heyrði lætin og braust inn í íbúð brotaþola og bjargaði henni frá sakborningi. Með þessari háttsemi er talið að sakborningur hafi gerst sekur um tilraun til manndráps, eða a.m.k. alvarlegt brot gegn 2. mgr. 218. gr. eða 2. mgr. 218. gr. b., almennra hegningarlaga. Rannsókn er nánast lokið en beðið er eftir niðurstöðu meinafræðings sem mun meta
áverkana og um leið hættustig árásarinnar. Vegna þessa máls var sakborningur settur ínálgunarbann
gegn brotaþola.“
Úrskurði Landsréttar og héraðsdóms má lesa hér
