Skömmu fyrir miðnætti var tilkynnt um eld í bifreið í Kópavogi. Þegar lögreglan kom á vettvang var bifreiðin alelda og var eldurinn búinn að læsa sig í næstu bifreið sem varð fljótt alelda. Slökkviliðið slökkti eldinn. Talið er að tvær bifreiðar til viðbótar hafi skemmst.

Á ellefta tímanum óskaði leigubifreiðastjóri eftir aðstoð í Árbæ en ófyrirleitinn farþegi hafði stungið af frá ógreiddu aksturgjaldi upp á 25.000 krónur.

Einn ökumaður var handtekinn á höfuðborgarsvæðinu í nótt grunaður um að vera undir áhrifum áfengis og fíkniefna og ítrekaðan akstur sviptur ökuréttindum.