Rétt fyrir klukkan 20 var ekið á gangandi mann í Miðborginni þegar hann var að fara yfir gangbraut. Hann var með áverka á enni og kenndi til í olnboga. Hann var fluttur með sjúkrabifreið á bráðadeild.
Á öðrum tímanum í nótt var fernt handtekið eftir að akstur bifreiðar var stöðvaður í Miðborginni. Fólkið er grunað um líkamsárás. Ökumaðurinn er grunaður um að hafa verið undir áhrifum fíkniefna, að fara ekki að fyrirmælum lögreglu og fleiri brot. Þolandi líkamsárásarinnar fór á bráðadeild til aðhlynningar.
Einn ökumaður var handtekinn í Kópavogi í nótt grunaður um að vera undir áhrifum fíkniefna. Eldur kom upp í vélarrými strætisvagns í Kópavogi í gærkvöldi. Vegfaranda tókst að slökkva eldinn áður en viðbragðsaðilar komu á vettvang. Strætisvagninn var fjarlægður með dráttarbifreið.
Maður var kærður fyrir búðarþjófnað í Breiðholti í gærkvöldi en hann var stöðvaður þegar hann reyndi að yfirgefa verslun með vörur að verðmæti 19.000 króna en hann hafði ekki greitt fyrir þær.
