Um klukkan 19 í gær var maður handtekinn grunaður um innbrot og þjófnað í miðborginni. Hann var vistaður í fangageymslu. Í vesturhluta borgarinnar var bifreið ekið á ljósastaur og þurfti að fjarlægja hana með dráttarbifreið. Ökumaðurinn leitaði sjálfur á slysadeild. Kona var handtekin þar sem hún var í annarlegu ástandi og með óspektir á almannafæri. Hún var með hníf og ætluð fíkniefni meðferðis. Hún var vistuð í fangageymslu.

Á Reykjanesbraut varð umferðarslys þegar bifreið var ekið aftan á aðra. Tvennt hlaut minniháttar meiðsl og var flutt á slysadeild.

Reynt var að spenna upp hurð í fjölbýlishúsi og ljós var brotið þar. Einn var kærður fyrir of hraðan akstur en hann ók á 105 km/klst þar sem leyfður hámarkshraði er 50 km/klst.

Einn ökumaður var handtekinn grunaður um að vera undir áhrifum fíkniefna.