Lottóspilari sem vann 54,5 milljónir króna í síðasta mánuði var rólegur og yfirvegaður þegar hann nálgaðist vinningsupphæðina í afgreiðslu Getspár fyrr í dag. Miðinn afdrifaríkari var keyptur þann 12. júní síðastliðinn á sölu stað N1 í Mosfellsbæ en engu mátti muna að vinningsmiðinn hafi týnst. Þetta kemur fram í tilkynningu frá Íslenskri Getspá.
„Ég er líklega það sem myndi kallast kærulaus lottóspilari“ sagði vinningshafinn aðspurður um hvenær hann áttaði sig á að hann hefði unnið.
„Ég fékk lánaðan síma hjá félaga mínum og notaði lottóappið til að skanna nokkra miða og þar kom vinningurinn í ljós. Ég var reyndar heppinn að hafa ekki týnt veskinu mínu nokkru áður með lottómiðanum góða, en það hafði dottið út úr bílnum hjá mér og tók ég bara eftir því fyrir tilviljun,“ er haft eftir vinningshafanum í tilkynningunni.
Þá kemur fram að lottóspilarinn kærulausi eigi föður sem einnig vann fyrsta vinning í lottóinu árið 1993.
Viðkomandi hefur ekki ákveðið hvernig hann ætlar að verja milljónunum en hluti þeirra mun þá fara til góðgerðamála.