Sjónarvottur að átökum sem áttu sér stað í göngugötunni í Miðbæ Akureyrar í kvöld, sá mann í blóði sínu fyrir utan Bláu könnuna og Græna hattinn. Sjónarvotturinn, sem ræddi við DV í kvöld, segist hafa séð fjóra menn handtekna. Blóðugi maðurinn var fluttur burtu í sjúkrabíl en viðmælandi DV sá sjúkraliðsmenn hlúa að honum.
Atvikið átti sér stað á níunda tímanum í kvöld. RÚV greinir frá því að rúða hafi brotnað þegar einn maður hoppaði á annan og flugu báðir mennirnir í gegnum rúðuna. Samkvæmt RÚV voru sex handteknir.
