fbpx
Sunnudagur 16.maí 2021
Fréttir

Fær að gjalda fyrir berserksgang í Stykkishólmi – Skildi eftir sig slóð eyðileggingar í ránsferð

Heimir Hannesson
Þriðjudaginn 4. maí 2021 22:30

Stykkishólmur mynd/Stefán Karlsson

Ekki missa af Helstu tíðindum dagsins í pósthólfið þitt

Lesa nánar

Karlmaður, búsettur á Stykkishólmi, var í dag dæmdur í Héraðsdómi Vesturlands í þriggja mánaða fangelsi, skilorðsbundið til tveggja ára, fyrir röð innbrota og skemmdarverka sem hann framdi í heimabæ sínum í mars í fyrra. Maðurinn mætti ekki við þingfestingu málsins þrátt fyrir að hafa verið löglega boðaður og var fjarvist hans lögð að jöfnu við játningu hans, samkvæmt lögum þar um.

Ljóst er að mikið hefur gengið á í lífi mannsins þessa örlagaríku daga í byrjun mars í Stykkishólmi í fyrra. Þann 1. mars mun maðurinn hafa brotist inn í vigtaraskúrinn í Hafnargötu 6 í bænum og stolið þaðan tveimur USB lyklum, Motorola hleðslustöðvum, vasaljósi, Masterlock lyklahúsum og Milwaukee skrúfuvél.

Þá var maðurinn fundinn sekur um að hafa, það sama kvöld, farið inn í Smiðjustíg 3 í leyfisleysi með því að brjóta rúðu í útidyrahurð og stolið þaðan Zo-on húfum, þremur 66°Norður húfum, Cintamani peysu, hálsmenum, lyklakippum, rauðvínsflöskum og 18 þúsund krónum í reiðufé.

Tveim dögum síðar, 3. mars í fyrra, mun maðurinn hafa farið inn í Ráðhúsið í Stykkishólmi við Hafnargötu 3 með því að brjóta rúðu í hurð við aðalinnganginn og stolið þaðan sjö lyklum í glærum plastpoka og 13 lyklum á öðrum lyklakippum. Hvað vakti fyrir manninum kemur ekki fram í skjölum málsins. Þetta sama þriðjudagskvöld, 3. mars, fór hann inn í Aðalgötu 1 í húsnæði Agustson ehf. með því að brjóta þar rúðu.

Loks var maðurinn dæmdur fyrir að hafa á tímabilinu 28. febrúar til 3. mars brotið rúðu í kyrrstæðri rútu af gerðinni Mercedes Benz Sprinter og tæmt úr slökkvitæki inn í bílinn. Var skemmdarvargurinn dæmdur til þess að greiða 188 þúsund króna í bætur vegna skemmdarverkanna á rútunni.

Í dómnum kemur fram að maðurinn hafi í þrígang gengist undir lögreglustjórasáttir, að minnsta kosti einu sinni vegna fíkniefnamáls, og var tekið tillit til þess við ákvörðun refsingar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Fréttir
Fyrir 16 klukkutímum
Nammistríðið heldur áfram

Mest lesið

Nýlegt

Fréttir
Í gær

Fólk til vandræða og eldur í íbúðarhúsnæði

Fólk til vandræða og eldur í íbúðarhúsnæði
Fréttir
Fyrir 2 dögum

Lyfjastofnun gerir athugasemd við áróðursauglýsingu gegn bólusetningum

Lyfjastofnun gerir athugasemd við áróðursauglýsingu gegn bólusetningum
Fréttir
Fyrir 3 dögum

Héraðssaksóknari ákveður á næstu dögum hvort hann ákærir barnsmóður Aziz – Hefur ekki fengið að sjá börnin sín í meira en tvö ár

Héraðssaksóknari ákveður á næstu dögum hvort hann ákærir barnsmóður Aziz – Hefur ekki fengið að sjá börnin sín í meira en tvö ár
Fréttir
Fyrir 3 dögum

BYKO dregur úr eigin losun um 19%

BYKO dregur úr eigin losun um 19%
Fréttir
Fyrir 3 dögum

Tveir greinst með indverska afbrigðið

Tveir greinst með indverska afbrigðið
Fréttir
Fyrir 3 dögum

Þrjú smit í gær

Þrjú smit í gær
Fréttir
Fyrir 4 dögum

Hin ákærðu í Rauðagerðismálinu sökuð um samverknað um morð

Hin ákærðu í Rauðagerðismálinu sökuð um samverknað um morð
Fréttir
Fyrir 4 dögum

Morðið í Rauðagerði: Kærasta Angjelin á meðal ákærðu

Morðið í Rauðagerði: Kærasta Angjelin á meðal ákærðu