fbpx
Fimmtudagur 05.ágúst 2021
Fréttir

Íslensk kona sem kvartað var yfir til Airbnb segir Ísraelsmanninn hafa verið ofstækisfullan – „Jós yfir mig óbótaskömmum“

Ágúst Borgþór Sverrisson
Miðvikudaginn 26. maí 2021 22:37

mynd/samsett

Ekki missa af Helstu tíðindum dagsins í pósthólfið þitt

Lesa nánar

„Það er ástæðulaust velta sér upp úr þessu. Þetta er fyrst og fremst ofboðslega frekja í Ísraelsmönnum og þeir eru að reyna að gera sig að einhverjum píslarvottum,“ segir kona sem rataði í fréttir í ísraelska miðlinum Jerusalem Post og á mbl.is fyrr í kvöld vegna samskipta hennar við Ísraelsmann sem bókaði hjá henni gistingu nýlega í sjálfvirkri bókun.

Eins og mbl.is greinir frá rann bókunarósk mannsins í gegn en konan sendi honum eftirfarandi skilaboð: „Nú hefur mikið verið fjallað um Ísrael í fjölmiðlum og grimmd þeirra gagnvart börnum. Hvað segir þú um þetta? Heldur þú að allar dyr Íslands standi þér opnar?“

Konan segir í stuttu viðtali við DV að maðurinn hafi brugðist við þessari spurningu hennar með mjög ofsafengnum hætti. DV spurði þá hvort hún teldi rétt að blanda pólitík inn í samskipti sín við ferðamenn. Hún hugsaði sig um og sagði: „Það er alveg spurning hvað maður á að ganga langt í því að vera allra þjónn.“

Hún segist vera miður sín yfir þeim átökum sem áttu sér stað á Gaza-svæðinu fyrir skömmu þar sem Ísraelsmenn gerðu harðar loftárásir sem kostuðu meðal annars börn lífið. „Ef hann hefði sagt að hann væri ekki sáttur við þetta framferði þá hefði allt verið í lagi. En hann brást alveg rosalega hart við og jós yfir mig óbótaskömmum eins og ég hefði kveikt í púðurtunnu. Og þá vissi ég að það var rétt af mér að spyrja hann að þessu,“ segir konan, sem upplifði þennan mann sem ofstækismann. „Hann fékk líka vini sína til að panta hjá mér og hella yfir mig alls konar óþverra,“ segir hún. „Mér fannst þetta framferði einkennast af ofstæki,“ bætir hún við.

Í frétt mbl.is segir að konan hafi fengið áminningu frá Airbnb vegna þessara samskipta. Þessi áminning mun vera væg, fremur eins og ábending, og hún segist ekki vita hvort hún hafi fengið hana vegna samskipta við Ísraelsmanninn eða annan ferðamann sem vildi fá tveir fyrir einn tilboð og hún lenti í lítilsháttar samskiptaerfiðleikum við, þar sem illa gekk að fá manninn til að senda fullnægjandi upplýsingar.

Þá segir hún alrangt sem segir í frétt Jerusalem Post um málið að hún hafi sparkað manninum út vegna tengsla við Ísrael. Það komi skýrt fram í fréttum um málið að hann hafi afbókað sig. Hún hafi aldrei meinað honum um gistingu.

Konan frábiður sér ásakanir um gyðingahatur, hún segist eingöngu vera að vísa til nýlegra atburða á Gaza-svæðinu þar sem tugir barna létu lífið og önnur eru limlest eftir sprengjuregnið. Hún sjái ekkert athugavert við að spyrja ísraelska ferðamenn hvort þeir styðji þetta blóðbað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Sigmundur Ernir ráðinn ritstjóri Fréttablaðsins

Sigmundur Ernir ráðinn ritstjóri Fréttablaðsins
Fréttir
Í gær

108 smit í gær

108 smit í gær
Fréttir
Fyrir 2 dögum

Frægir, flokksgæðingar og fyrirmenni í nefndum ríkisins – Þúsundir liggja á launum í 644 ríkisnefndum – Sjáðu hverjir eru hvar

Frægir, flokksgæðingar og fyrirmenni í nefndum ríkisins – Þúsundir liggja á launum í 644 ríkisnefndum – Sjáðu hverjir eru hvar
Fréttir
Fyrir 2 dögum

Þetta eru pöddur sem vekja óhug og forvitni Íslendinga – aðeins ein getur meitt þig

Þetta eru pöddur sem vekja óhug og forvitni Íslendinga – aðeins ein getur meitt þig
Fréttir
Fyrir 3 dögum

Lægri smittölur en ekki ástæða til að fagna

Lægri smittölur en ekki ástæða til að fagna
Fréttir
Fyrir 3 dögum

Dómsskjöl varpa ljósi á morðmál Guðmundar – Morðið sagt skipulagt og af yfirlögðu ráði – Krefjast 31 árs fangelsis

Dómsskjöl varpa ljósi á morðmál Guðmundar – Morðið sagt skipulagt og af yfirlögðu ráði – Krefjast 31 árs fangelsis
Fréttir
Fyrir 4 dögum

Kattabúr veldur ólgu í Garðabæ – „Ég get ekki bara leyft þessu búri að vera þarna. Þetta er ógeðslegt.“ – Eigandinn skýrir málið

Kattabúr veldur ólgu í Garðabæ – „Ég get ekki bara leyft þessu búri að vera þarna. Þetta er ógeðslegt.“ – Eigandinn skýrir málið
Fréttir
Fyrir 4 dögum

Brotist inn á heimili í morgun

Brotist inn á heimili í morgun