fbpx
Miðvikudagur 08.febrúar 2023
Fréttir

Nýr ritstjóri ráðinn á DV – „Ég verð alltaf skákmaður sem vinn við blaðamennsku“

Erla Hlynsdóttir
Föstudaginn 14. maí 2021 13:04

Björn Þorfinnsson.

Ekki missa af Helstu tíðindum dagsins í pósthólfið þitt

Lesa nánar

Björn Þorfinnsson hefur verið ráðinn ritstjóri DV og tekur við  af Þorbjörgu Marinósdóttur sem lét nýverið af störfum.

Björn hóf störf sem blaðamaður á DV í byrjun árs 2015 og gegndi síðar stöðu fréttastjóra hjá miðlinum. Þá hefur hann starfað sem blaðamaður á Fréttablaðinu, en lauk þar störfum í byrjun árs.

„Ég ólst upp sem blaðamaður á DV og þykir afar vænt um þennan miðil. Ég er því afar spenntur að fá tækifæri til að móta stefnu og ásýnd DV til framtíðar og vinna með því öfluga fólki sem starfar á miðlinum í dag,“ segir Björn.

„Aðsóknin á dv.is er gríðarleg og því er um að ræða ótrúlega sterkan vettvang til þess að koma á framfæri fréttum og sögum fólks sem eiga erindi við samfélagið og hrista jafnvel upp í því. Mitt helsta markmið að freista þess að styrkja fréttahluta miðilsins enn frekar og bjóða lesendum upp á góða blöndu af fréttum og afþreyingarefni,“ segir Björn.

Björn er í hópi sterkustu skákmanna landsins og er fyrrum forseti Skáksambands Íslands. Hann státar af alþjóðlegum meistaratitli í íþróttinni sem og tveimur áföngum af þremur að stórmeistaratitli. „Eflaust verður af og til fjallað um skák í DV enda fjölmargt skemmtilegt og áhugavert sem gerist í því samfélagi eins og öllum öðrum. Að sama skapi þýðir þetta nýja starf ekki að ég muni gefa  drauminn um stórmeistaratitilinn upp á bátinn enda þarf maður ekki að hætta í skák útaf aldri eða hnémeiðslum. Ég verð alltaf skákmaður sem vinn við blaðamennsku.“

„Það er mikill akkur fyrir DV að fá Björn Þorfinnsson til starfa. Það er einnig ánægjulegt að hann skuli aftur vera genginn í raðir starfsmanna Torgs. Með ráðningu hans mun DV halda áfram að sækja fram, hvoru tveggja sem frétta- og afþreyingarmiðill“, segir Björn Víglundsson forstjóri Torgs, útgefanda DV.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Lævís yfirmaður rússneska heraflans hefur kosti sem Pútín metur meira en allt annað

Lævís yfirmaður rússneska heraflans hefur kosti sem Pútín metur meira en allt annað
Fréttir
Í gær

Lögreglustjórinn á Norðurlandi eystra lögsækir franskan mann eftir gróf náttúruspjöll

Lögreglustjórinn á Norðurlandi eystra lögsækir franskan mann eftir gróf náttúruspjöll
Fréttir
Í gær

Segist hafa fengið símtal frá heimilislækni sem bauð henni umdeilt „töfralyf“

Segist hafa fengið símtal frá heimilislækni sem bauð henni umdeilt „töfralyf“
Fréttir
Í gær

Skiptar skoðanir um slaufun Ivu Marín – „Ég myndi persónulega ekki vilja standa að því að útiloka fólk frá þátttöku í samfélaginu til að passa upp á einhverja PR-ímynd“ 

Skiptar skoðanir um slaufun Ivu Marín – „Ég myndi persónulega ekki vilja standa að því að útiloka fólk frá þátttöku í samfélaginu til að passa upp á einhverja PR-ímynd“ 
Fréttir
Í gær

Segja að Pútín sé tregur til að gera nauðsynlegar breytingar

Segja að Pútín sé tregur til að gera nauðsynlegar breytingar
Fréttir
Í gær

Rúmlega 4.300 hafa fundist látnir í Tyrklandi og Sýrlandi

Rúmlega 4.300 hafa fundist látnir í Tyrklandi og Sýrlandi