Á sjötta tímanum í gær kom eldur upp í íbúðarhúsnæði í miðborginni. Engin slys urðu á fólki en töluvert tjón varð á eigninni. Á níunda tímanum í gærkvöldi þurfti lögreglan handtaka mann á Landspítalanum við Hringbraut en maðurinn var í annarlegu ástandi. Hann var vistaður í fangageymslu.

Annar maður var handtekinn í Hlíðahverfi um miðnætti en þar var hann til vandræða. Hann var í annarlegu ástandi og endaði í fangageymslu. Sömu sögu er að segja af manni sem var handtekinn á Bráðamóttöku Landspítalans í Fossvogi á þriðja tímanum í nótt.

Fimm ökumenn voru handteknir í gærkvöldi og nótt grunaðir um að vera undir áhrifum fíkniefna. Þrír þeirra reyndust vera sviptir ökuréttindum og einn er grunaður um vörslu fíkniefna.