Kona sem komst nýverið að því að maður sem hún hafði „match-að“ við á Tinder væri í raun giftur með sex börn hefndi sín býsna duglega á manninum. Konan, sem heitir Nadiyah og er frá Bandaríkjunum, lýsti upplifun sinni af atvikinu á Tik Tok. Þar deildi hún meðal annars samskiptum sínum við manninn þar sem hann segist vera að leita sér að langtímasambandi. „Ég vil alvöru eins-konu samband,“ mun maðurinn hafa sagt við hana.

Þrátt fyrir að vera spennt ákvað Nadiyah að staðfesta það sem maðurinn væri að segja, og grófst því fyrir um fortíð mannsins. Það var þá sem hún rakst á Facebook síðu mannsins þar sem hún lærði að hann væri ekki aðeins giftur, heldur sex barna faðir.

Nadiya afréð því að leika sér aðeins með manninn. Hún spurði manninn hvort hann væri ekki til í eitthvað kynferðislegt og hvort hún ætti ekki að taka vinkonu sína með. Maðurinn vissi auðvitað ekki þá, að „vinkonan“ sem Nadiya vísað til, var eiginkona mannsins. Að lokum ákvað Nadiya að senda mynd af „vinkonu sinni“ sem var þá mynd af manninum og eiginkonu sinni á manninn.

Nadiya deildi sögu sinni, sem fyrr sagði, á TikTok þar sem fylgjendur hennar skemmtu sér konunglega yfir uppátækinu. Myndbandið Nadiyu má sjá í meðfylgjandi frétt hér.