fbpx
Föstudagur 26.febrúar 2021
Fréttir

Úlfur Atli svarar Kára Stefánssyni – „Eflaust voru einhverjir á bakvið tjöldin“

Máni Snær Þorláksson
Þriðjudaginn 23. febrúar 2021 17:30

Mynd/Samsett

Ekki missa af Helstu tíðindum dagsins í pósthólfið þitt

Lesa nánar

„Ég vil hefja þessa grein á því að þakka þér fyrir gott framlag gegn veirunni, sem og fyrir vinnuna sem fór í að kanna möguleikann á rannsókn með Pfizer.“

Svona hefst pistill sem Úlfur Atli Stefaníuson, nemandi í heimspeki, hagfræði og stjórnmálafræði við Háskólann á Bifröst, skrifar en pistillinn er svar við pistli Kára sem birtist í Fréttablaðinu í dag. Í pistlinum var Kári að svara grein eftir fimm íslenska heimsspekinga um Pfizer-rannsóknina sem margir vonuðust eftir að færi fram hér á landi.

Kári var afar harðorður í pistli sínum og svaraði mörgum fullyrðingum fimmmenningana. „Það er dagljóst á stúfnum að þeir hafa ekki hundsvit á þeim bólusetningarvanda sem blasir við heiminum í dag,“ sagði Kári til dæmis.

„Eflaust voru einhverjir á bakvið tjöldin“

„Persónulega, eins og margir aðrir, var ég fyrst og fremst upptekinn af því að rannsóknin yrði að veruleika, enda mikil spenna og væntingar í samfélaginu á tímabili. Fyrir mitt leyti, þá gerði þessi grein fimmmenninganna mér kleift að sjá hlutina í aðeins víðara samhengi,“ segir Úlfur í svarinu til Kára.

Úlfur segir að vissulega hafi ekkert orðið úr rannsókninni en að þó skaði það ekki neinn að velta hlutunum fyrir sér. „Eflaust voru einhverjir á bakvið tjöldin nú þegar komnir í þessar pælingar en það er kostur þegar almenningur fær tækifæri til þess að vera með í þeim,“ segir hann.

„Þessi grein heimspekinganna var því ágætis innlegg í umræðuna rétt eins og ýmsir pistlar þínir. Ég ætla ekki að leggja í þá vegferð að vega og meta kosti röksemdanna sem búa þar að baki, mig langar fremur til þess að grípa þennan bolta og koma með mínar eigin vangaveltur um samfélagsumræðuna nú til dags.“

„Ég held að við gerum það flest“

Úlfur segir að samfélagið þurfi í heild sinni að passa sig á því að tala ekki niður fólk sem nálgast hlutina frá öðru sjónarhorni. „Samfélagið þrífst nefnilega best þegar við leggjum okkur fram við að vera málefnaleg og erum opin fyrir því að taka skoðanir annarra til vangaveltu,“ segir hann.

„Munum að það er eitt af hlutverkum heimspekinga að velta steinum, spyrja erfiðra spurninga um framtíðina og gera sitt besta til þess að bjóða öðru fólki með í þær vangaveltur. Í þessu samhengi getum við einnig talað um „heimspekinga“ í mun víðara samhengi en einungis prófessora í háskólum. Það er öllum frjálst að tileinka sér heimspekilegt hugarfar og ég held að við gerum það flest ómeðvitað að einhverju leyti.“

Að lokum veltir Úlfur því fyrir sér hvort samfélagið hefði ekki gott af því ef metingurinn milli raunvísinda, félagsvísinda og hugvísinda myndi lúta í lægra haldi fyrir jákvæðri umræðu um samvinnuflöt þessara sviða. „Boltinn er hjá ykkur kæra samfélag,“ segir hann í lok pistilsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Fjölskyldu konunnar ofbauð að læknirinn starfi ennþá – Vilja að lögregla rannsaki meðferð móður þeirra sem manndráp

Fjölskyldu konunnar ofbauð að læknirinn starfi ennþá – Vilja að lögregla rannsaki meðferð móður þeirra sem manndráp
Fréttir
Í gær

Móðir Bjarna var spilafíkill – „Það var í síðasta skipti sem ég sá hana á lífi“

Móðir Bjarna var spilafíkill – „Það var í síðasta skipti sem ég sá hana á lífi“
Fréttir
Í gær

Rosalegt myndband frá jarðskjálftanum – Stóð í byggingarkrana þegar hann reið yfir

Rosalegt myndband frá jarðskjálftanum – Stóð í byggingarkrana þegar hann reið yfir
Fréttir
Í gær

Sjáðu myndbandið: Íbúar í Laugardal langþreyttir á hávaða frá Eimskip – „Ég er alveg að verða vitlaus á þessu“

Sjáðu myndbandið: Íbúar í Laugardal langþreyttir á hávaða frá Eimskip – „Ég er alveg að verða vitlaus á þessu“
Fréttir
Í gær

Jarðskjálftarnir hér á landi vekja athygli erlendis – Tala um Eyjafjallajökul

Jarðskjálftarnir hér á landi vekja athygli erlendis – Tala um Eyjafjallajökul
Fréttir
Í gær

„Við sjáum engan gosóróa eins og er,“ segir náttúruvársérfræðingur hjá Veðurstofu

„Við sjáum engan gosóróa eins og er,“ segir náttúruvársérfræðingur hjá Veðurstofu