Föstudagur 26.febrúar 2021
Fréttir

Svandís kynnir nýjar Covid reglur – Verulegar tilslakanir frá og með morgundeginum – „Þetta er mikill gleðidagur“

Heimir Hannesson
Þriðjudaginn 23. febrúar 2021 11:33

Svandís Svavarsdóttir heilbrigðisráðherra mynd/Ernir

Ekki missa af Helstu tíðindum dagsins í pósthólfið þitt

Lesa nánar

Fundur ríkisstjórnarinnar hófst í Ráðherrabústaðnum klukkan hálf tíu í morgun. Meðal umræðuefna var minnisblað Þórólfs Guðnasonar sóttvarnalæknis um tillögur að afléttingu samkomutakmarkana.

Lítið hafði verið gefið upp um efnislegt innihald tillagna Þórólfs annað en að hann gerði ráð fyrir því að reglur um samkomutakmarkanir innanlands taki gildi um miðja þessa viku.

Lilja Dögg Alfreðsdóttir ræddi við fréttamenn eftir fundinn og sagði að fjöldatakmarkanir í skólum yrðu  150 undir nýrri reglugerð. Með þessu væri verið að rýmka reglurnar nokkuð verulega. „Verið er að rýmka reglurnar, meira staðnám á háskólastigi, meira félagslíf í framhaldsskólum. Ég er mjög ánægð með hvernig þetta hefur tekist. Nú eru háskólarnir að opna aftur. Þetta er mikill gleðidagur,“ sagði Lilja.

Lilja segir að reglugerðin verði kynnt nánar síðar í dag og birt í heild sinni á vefsíðu stjórnarráðsins eins og hefur verið gert hingað til, en sagði þó að um væri að ræða 150 manna takmörk, sem fyrr sagði. Ef ekki verður hægt að uppfylla eins metra fjarlægðarreglu mun grímuskylda áfram gilda í skólum.

Nýju reglurnar um sóttvarnaráðstafanir í skólum munu taka gildi á morgun.

Svandís Svavarsdóttir heilbrigðisráðherra sagði þá að breytingarnar á almennum reglum munu strax taka gildi á morgun.

Þær fela í sér að 20 manna hámarksfjöldi fer í 50. Tveggja metra reglan verður áfram meginregla og grímuskylda viðhöfð.

Hámarksfjöldi á „tiltekinni starfsemi“ verður 200 eftir morgundaginn. Er þar átt við sviðslistir, íþróttaviðburðir, söfn og því um líkt. Þar verður þó að vera hægt að tryggja að fólk sé í sætum, segir Svandís, og að einn metri sé á milli óskyldra aðila. „Þá verður að vera hægt að halda til haga upplýsingum um hvern og einn gest, til þess að tryggja smitrakningu ef til þess kemur.“

Þá sagði Svandís að leyfilegur opnunartími kráa, skemmti- og veitingastaða verði lengdur um eina klukkustund. Því má frá og með morgundeginum hleypa inn fólki til klukkan 22:00 á slíka staði en rýma verður staðinn klukkan 23:00.

Þá mega sundlaugar og líkamsræktarstöðvar hleypa inn allt að 75% af leyfðum heildarfjölda sínum. Hingað til hefur það verið 50%.

Reglugerð þessi gildir í þrjár vikur frá og með morgundeginum.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Viðamikil lögregluaðgerð í Kópavogi í dag vekur spurningar

Viðamikil lögregluaðgerð í Kópavogi í dag vekur spurningar
Fréttir
Fyrir 23 klukkutímum

Segja lögregluna handtaka fólk eftir geðþóttaákvörðunum – „Af þeim stafaði engin hætta“

Segja lögregluna handtaka fólk eftir geðþóttaákvörðunum – „Af þeim stafaði engin hætta“
Fréttir
Í gær

Fjölskyldu konunnar ofbauð að læknirinn starfi ennþá – Vilja að lögregla rannsaki meðferð móður þeirra sem manndráp

Fjölskyldu konunnar ofbauð að læknirinn starfi ennþá – Vilja að lögregla rannsaki meðferð móður þeirra sem manndráp
Fréttir
Í gær

Móðir Bjarna var spilafíkill – „Það var í síðasta skipti sem ég sá hana á lífi“

Móðir Bjarna var spilafíkill – „Það var í síðasta skipti sem ég sá hana á lífi“
Fréttir
Fyrir 2 dögum

58 skjálftar þrír á stærð eða meira – 669 skjálftar í heildina

58 skjálftar þrír á stærð eða meira – 669 skjálftar í heildina
Fréttir
Fyrir 2 dögum

Kröfum Eflingar vísað frá – Eldum rétt og starfsmannaleigan með fullan sigur

Kröfum Eflingar vísað frá – Eldum rétt og starfsmannaleigan með fullan sigur