Lögreglan handtók í gær mann sem hafði stungið af frá ógreiddum reikningi. Öryggisverðir í verslunarmiðstöð náðu honum og héldu föstum þar til lögreglan kom á vettvang. Maðurinn sýndi einnig af sér ógnandi hegðun. Hann var vistaður í fangageymslu.

Í Miðborginni fóru tveir menn um og stálu vörum úr verslun einni, er verðmæti þeirra um 300.000 krónur. Málið er í rannsókn.

Óskað var eftir aðstoð lögreglunnar í verslunarmiðstöð vegna aðila sem neitaði að bera sóttvarnargrímu.

Þriggja bíla árekstur varð á suðurhluta varðsvæðisins en meiðsl voru minni háttar. Flytja þurfti tvær bifreiðar af vettvangi með dráttarbifreiðum.

Tvær vespur lentu í árekstri við bifreið og hlutust minniháttar meiðsl af.

Tilkynnt var um þjófnað á fjármunum úr afgreiðslukassa verslunar í verslunarmiðstöð. Málið er í rannsókn.