Sævar Helgi Bragason, einnig þekktur sem Stjörnu-Sævar, skrifar nú í morgunsárið á Facebook að hann fagni því þegar fólk hafi hagsmuni barna í fyrirrúmi og að bólusetningar geri okkur og aðra „aðra sannarlega öruggari í samfélagi þar sem sumir geta, af einhverjum ástæðum, ekki þegið þetta mesta afrek læknavísinda.“

Samkvæmt tilkynningu frá Þórólfi Guðnasyni, sóttvarnalækni, er fyrirhugað að bjóða upp á COVID-bólusetningar hér á landi fyrir börn á aldrinum 5-11 ára eftir áramót. Willum Þór Þórsson, heilbrigðisráðherra, hefur ítrekað að um valkvæða bólusetningu sé að ræða en sitt sýnist hverjum um að bólusetja börn gegn COVID.

Sævar Helgi sér því ástæðu til að vekja athygli fólks á því sem getur haft eða hefur meiri líkamleg og andleg áhrif á börn en bólusetningar, og telur hann upp þónokkur atriði:

„Bílar

Svifryksmengun

Of lítil hreyfing

Ónógur svefn

Biðlistar í heilsbrigðiskerfinu

Skortur á félagslífi

Skortur á samverustundum með foreldrum og systkinum

Skortur á ást og umhyggju

Skortur á samkennd

Lélegt mataræði – Of lítil neysla grænmetis

Lélegt mataræði – Of mikil neysla dýraafurða

Samfélagsmiðlar

Skortur á vísinda- og tölfræðilæsi

Umhverfis- og loftslagsbreytingar“

Hér má sjá færslu Sævars Helga og viðbrögð við henni sem flest eru afar jákvæð þegar þessar línur eru ritaðar og færa ýmsir honum þakkir fyrir skrifin: