Um klukkan þrjú í nótt voru tveir handteknir í Grafarvogi en þeir eru grunaðir um líkamsárás. Þeir voru vistaðir í fangageymslu. Á fimmta tímanum í nótt ók ökumaður bifreið inn í garð í Vesturbænum. Ökumaðurinn er grunaður um ölvun við akstur og var hann vistaður í fangageymslu.
Á níunda tímanum í gærkvöldi lentu tvær bifreiðar í árekstri á Suðurlandsvegi við Bláfjallaveg. Þær voru báðar ökufærar á eftir og þurfti að fjarlægja þær með dráttarbifreiðum.
Í Miðborginni var tilkynnt um innbrot og þjófnað úr bifreið í gærkvöldi. Einnig var tilkynnt um líkamsárás á hóteli í Miðborginni. Árásarmaðurinn var farinn af vettvangi. Á þriðja tímanum í nótt var óskað eftir aðstoð á hótel í Miðborginni vegna ofurölvi gests sem lét ófriðlega. Hann var vistaður í fangageymslu.
Í Hafnarfirði var óskað eftir aðstoð vegna líkamsárásir um klukkan tvö í nótt. Árásarmaðurinn var farinn af vettvangi.
Fjórir ökumenn voru handteknir síðdegis í gær og gærkvöldi grunaðir um að vera undir áhrifum áfengis og/eða fíkniefna. Þrír þeirra reyndust vera sviptir ökuréttindum og einn er grunaður um vörslu fíkniefna.
